യു​വാ​വി​നെ ത​ട്ടി​ക്കൊ​ണ്ടു​പോ​യി കൊ​ല്ലാ​നും മോഷണത്തിനും ശ്രമം: ഒന്നാം പ്രതി പിടിയിൽ

ഇ​രി​ങ്ങാ​ല​ക്കു​ട: കൊ​ടു​ങ്ങ​ല്ലൂ​ർ എ​സ്.​എ​ൻ പു​രം സ്വ​ദേ​ശി​യാ​യ യു​വാ​വി​നെ ത​ട്ടി​ക്കൊ​ണ്ടു​പോ​യി കൊ​ല്ലാ​ൻ ശ്ര​മി​ക്കു​ക​യും കാ​റും പ​ണ​വും വെ​ളി​ച്ചെ​ണ്ണ​യും ക​വ​രു​ക​യും ചെ​യ്ത കേ​സി​ൽ ഒ​ളി​വി​ലാ​യി​രു​ന്ന ഒ​ന്നാം പ്ര​തി പൊലീസ് പിടിയിൽ. വെ​സ്റ്റ് കോ​മ്പാ​റ പ​യ്യ​പ്പി​ള്ളി വീ​ട്ടി​ൽ അ​ജി​ത്തി​നെ​(31)യാ​ണ് അറസ്റ്റ് ചെയ്തത്.

ഈ ​മാ​സം അ​ഞ്ചി​നാ​ണ് കേ​സി​നാ​സ്പ​ദ​മാ​യ സം​ഭ​വം നടന്നത്. ക​ഴി​ഞ്ഞ​ദി​വ​സം അ​യ്യ​ങ്കാ​വ് മൈ​താ​ന പ​രി​സ​ര​ത്തു​ നി​ന്നാണ് ഇയാൾ പി​ടി​യി​ലാ​യ​ത്. ഇ​യാ​ൾ വി​വി​ധ​യി​ട​ങ്ങ​ളി​ലാ​യി ഒ​ളി​വി​ൽ ക​ഴി​യു​ക​യാ​യി​രു​ന്നു​വെ​ന്ന് പൊ​ലീ​സ് പ​റ​ഞ്ഞു. സം​ഭ​വ​വു​മാ​യി ബ​ന്ധ​പ്പെ​ട്ട് അ​ഞ്ച് പ്ര​തി​ക​ളെ നേ​ര​ത്തേ അ​റ​സ്റ്റ് ചെ​യ്തി​രു​ന്നു.

Read Also : ക​ളി​ച്ചു കൊ​ണ്ടി​രു​ന്ന ബാ​ലി​ക​ക്ക് നേ​രെ​ ലൈം​ഗി​കാ​തി​ക്ര​മം: പ്ര​തി​ക്ക് 20 വ​ര്‍ഷം ക​ഠി​ന ത​ട​വും പിഴയും

ഇ​രി​ങ്ങാ​ല​ക്കു​ട ഡി​വൈ.​എ​സ്.​പി ടി.​കെ. ഷൈ​ജു​വി​ന്റെ നേ​തൃ​ത്വ​ത്തി​ൽ സ​ർ​ക്കി​ൾ ഇ​ൻ​സ്പെ​ക്ട​ർ അ​നീ​ഷ് ക​രീം, സ​ബ് ഇ​ൻ​സ്പെ​ക്ട​ർ​മാ​രാ​യ കെ.​ആ​ർ. സു​ധാ​ക​ര​ൻ, എം.​എ​സ്. ഷാ​ജ​ൻ എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​യ പ്ര​തി​യെ റി​മാ​ൻ​ഡ് ചെ​യ്തു.