പള്ളിക്കത്തോട്: അയല്‍വാസിയെ ആക്രമിച്ച കേസില്‍ വയോധികൻ അറസ്റ്റിൽ. ആനിക്കാട് അരുവിക്കുഴി ഭാഗത്ത് തോണക്കര ടി.ജെ. ജോര്‍ജി(69)നെയാണ് അറസ്റ്റ് ചെയ്തത്. പള്ളിക്കത്തോട് പൊലീസ് ആണ് അറസ്റ്റ് ചെയ്തത്.
Read Also : ‘ഗുരുതരമായ സംഭവം’: ഗോധ്ര ട്രെയിൻ തീവെപ്പ് കേസിലെ പ്രതികളുടെ ജാമ്യാപേക്ഷ തള്ളി സുപ്രീം കോടതി
ഞായറാഴ്ച രാവിലെ 6.30-നു ആണ് സംഭവം. ഇയാള്‍ സുഹൃത്തും അകന്ന ബന്ധുവുമായ ഫിലിപ്പോസിനെ അരുവിക്കുഴി സെന്‍റ് മേരിസ് പള്ളി പാരിഷ് ഹാളിന് സമീപത്തുവച്ച് ആക്രമിക്കുകയായിരുന്നു. ജോര്‍ജ് തന്‍റെ ഭാര്യയെ കൊലപ്പെടുത്തിയ കേസില്‍ ജയിലില്‍ കിടന്ന സമയം ഫിലിപ്പോസ് കാണാന്‍ ചെന്നില്ലെന്നും ജാമ്യത്തില്‍ ഇറക്കാന്‍ സഹായിച്ചില്ലെന്നുമുള്ള കാരണത്താൽ കൈയില്‍ കരുതിയിരുന്ന കത്തി ഇയാളുടെ നേരെ വീശുകയും മൂക്കില്‍ കടിച്ചു പരിക്കേല്‍പ്പിക്കുകയുമായിരുന്നു.
പരാതിയുടെ അടിസ്ഥാനത്തിൽ പള്ളിക്കത്തോട് പൊലീസ് കേസ് രജിസ്റ്റര്‍ ചെയ്ത് എസ്എച്ച്ഒ കെ.ബി. ഹരികൃഷ്ണന്‍റെ നേതൃത്വത്തില്‍ ആണ് ഇയാളെ അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു.
Post Your Comments