വൈക്കം: യുവാവിനെ കുത്തിക്കൊലപ്പെടുത്താന്‍ ശ്രമിച്ച കേസില്‍ നാലുപേര്‍ അറസ്റ്റില്‍. വെച്ചൂര്‍ വേരുവള്ളി ഭാഗത്ത് കളരിക്കല്‍ത്തറ കെ.എം. മനു (അമ്പിളി-20), തലയാഴം പുത്തന്‍പാലം ഭാഗത്ത് കൊട്ടാരത്തില്‍ കെ.എസ്. വിമല്‍ (കുഞ്ഞന്‍-20), ഇയാളുടെ സഹോദരനായ കെ.എസ്. വിഷ്ണു (കൊട്ടാരം-24), വെച്ചൂര്‍ പുത്തന്‍പാലം ഈസ്റ്റ് ഭാഗത്ത് ഹരിജന്‍ കോളനിയില്‍ വൈഷ്ണവ് (ചാത്തന്‍ -23) എന്നിവരെയാണ് അറസ്റ്റ് ചെയ്തത്. വൈക്കം പൊലീസ് ആണ് അറസ്റ്റ് ചെയ്തത്.
കഴിഞ്ഞദിവസം രാത്രി 7.30-നു ആണ് സംഭവം. ഇവര്‍ സംഘം ചേര്‍ന്ന് വെച്ചൂര്‍ പുത്തന്‍ പാലം ഷാപ്പിന് സമീപത്ത് യുവാവിനെ കത്തികൊണ്ട് കുത്തി കൊലപ്പെടുത്താന്‍ ശ്രമിക്കുകയായിരുന്നു. അക്രമിക്കപ്പെട്ട യുവാവ് ഇവരും സുഹൃത്തുക്കളായിരുന്നു.
കുളത്തില്‍ കുളിക്കാന്‍ എത്തിയ സമയം വാഹനം കഴുകുന്നതിനിടയില്‍ യുവാക്കളില്‍ ഒരാളുടെ ചെരുപ്പ് കുളത്തില്‍ എറിഞ്ഞതുമായി ബന്ധപ്പെട്ട് വാക്ക് തര്‍ക്കമുണ്ടായി. തുടര്‍ന്ന്, ഇതിനെ ചൊല്ലി വീണ്ടും സംഘര്‍ഷം ഉണ്ടാവുകയും പുത്തന്‍പാലം ഷാപ്പിന് സമീപം വച്ച് തലയാഴം സ്വദേശിയായ അഖിലിനെ കുത്തിക്കൊലപ്പെടുത്താന്‍ ശ്രമിക്കുകയുമായിരുന്നു. പരാതിയെ തുടര്‍ന്ന്, വൈക്കം പൊലീസ് കേസ് രജിസ്റ്റര്‍ ചെയ്ത് ഇവരെ പിടികൂടുകയായിരുന്നു. അറസ്റ്റ് ചെയ്ത പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments