ജീവിതത്തിൽ ഭാ​ഗ്യം ലഭിക്കാൻ അപരിചിതരുമായി ലൈം​ഗിക ബന്ധത്തിലേർപ്പെടുന്നത് വഴിപാടായുള്ള ഒരു ദേവാലയം

‘അപരിചിതരുമായി ലൈം​ഗിക ബന്ധത്തിലേർപ്പെട്ടാൽ ഭാ​ഗ്യം ലഭിക്കും! തീർത്ഥാടനത്തിന് എത്തുന്നത് വിദ്യാർത്ഥിനികൾ മുതൽ വീട്ടമ്മമാർ വരെ; ജീവിതത്തിൽ ഭാ​ഗ്യം ലഭിക്കാൻ സെ ക്സ് വഴിപാടും..’ കേൾക്കുമ്പോൾ നെറ്റി ചുളിയുന്നുണ്ടോ? എങ്കിൽ ഇങ്ങനെ ഒരു ക്ഷേത്രം ഉണ്ട്. ഇന്തോനേഷ്യയിൽ ആണ് ഇത്തരം വിചിത്ര ആചാരങ്ങൾ ഉള്ള ക്ഷേത്രം. ഇൻഡോനേഷ്യയിലെ സോളോയിൽ സ്രാഗൻ റീജൻസിയിലെ ഒരു കുന്നിൻ മുകളിലുള്ള ജാവനീസ് ദേവാലയമാണ് വിചിത്രമായ ആചാരം ഇന്നും പിന്തുടരുന്നത്.

സോളോയിൽ നിന്ന് 28 കിലോമീറ്റർ വടക്കുകിഴക്കായി സ്ഥിതി ചെയ്യുന്ന ഈ ദേവാലയത്തിലേക്ക് ഓരോ 35 ദിവസം കൂടുമ്പോഴും അതുവരെ കണ്ടിട്ടില്ലാത്തവരുമായി ലൈം​ഗിക ബന്ധത്തിലേർപ്പെടാനായി ആയിരക്കണക്കിന് സ്ത്രീ പുരുഷന്മാരാണ് എത്തിച്ചേരുന്നത്. ഗുനുങ് കെമുകസ് ( സെക്സ് മൗണ്ടൻ ) എന്ന മലയിലാണ് ക്ഷേത്രമുള്ളത്. ഈ പുണ്യസ്ഥലത്തെ വിവാഹേതര ലൈംഗികബന്ധം അവർക്ക് ഭാഗ്യവും ഉയർച്ചയും നൽകുമെന്ന് വിശ്വസിക്കുന്നു.16-ാം നൂറ്റാണ്ട് മുതൽ ഇവിടെ ഈ ആചാരം നിലനിൽക്കുന്നു.

ജാവനീസ് രാജാവിന്റെ മകനായ ഇതിഹാസ രാജകുമാരൻ പംഗേരൻ സമോദ്രോയുടെയും രണ്ടാനമ്മയായ നായി ഒൻട്രോവുലന്റെയും ദേവാലയമാണിത്. രാജകുമാരൻ പംഗേരൻ സമോദ്രോ തന്റെ രണ്ടാനമ്മയുമായി അവിഹിതബന്ധത്തിൽ ഏർപ്പെട്ടതോടെയാണ് ഈ ആചാരം ആരംഭിച്ചതെന്നാണ് ഐതിഹ്യം. അവർ ഒരുമിച്ച് ഒളിച്ചോടി ഗുനുങ് കെമുകസിൽ താമസിച്ചുവെന്നാണ് ഐതിഹ്യം. രാജകുമാരൻ രണ്ടാനമ്മയുമായി ലൈം​ഗിക ബന്ധത്തിലേർപ്പെട്ടതിന് പിന്നാലെ അവർ കൊല്ലപ്പെടുകയും ചെയ്തു.

ഈ സ്ഥലത്ത് ലൈംഗിക ബന്ധത്തിൽ ഏർപ്പെടുന്നത് ഭാഗ്യം മാത്രമല്ല, സമ്പത്തും കൊണ്ടുവരുമെന്ന് തീർത്ഥാടകർ വിശ്വസിക്കുന്നു. വ്യഭിചാരം പോലെയുള്ള ലജ്ജാകരമായ എന്തെങ്കിലും പ്രവർത്തികൾ അവിടെയെത്തി ചെയ്യുന്നവർക്ക് ഭാഗ്യം ലഭിക്കുമെന്ന് വിശ്വസിക്കപ്പെടുന്നു. ഗ്രിഗോറിയൻ കലണ്ടറിലെ വെള്ളിയാഴ്ച്ച, പുരാതന ജാവനീസ് കലണ്ടറിലെ അഞ്ച് ദിവസങ്ങളിൽ ഒന്നുമായി വിഭജിക്കുന്ന ജുമാത് പോണിന്റെ ശുഭദിനത്തിലാണത്രെ ഇത് ചെയ്യേണ്ടത്.

ഏറ്റവും തിരക്കേറിയ രാത്രികളിൽ 8,000 തീർത്ഥാടകരെ ആകർഷിക്കുന്ന ഈ ദേവാലയത്തിന് ഏകദേശം 5,000 രൂപ ആണ് പ്രവേശന ഫീസ്. ഓരോ 35 ദിവസത്തിലും തുടർച്ചയായി ഏഴ് തവണ തീർഥാടകർ ഇവിടെയെത്തി ലൈം​ഗിക ബന്ധത്തിൽ ഏർപ്പെടണമെന്നാണ് വിശ്വാസം. ആദ്യം അവർ പ്രാർത്ഥിക്കാൻ ഒരു ദേവാലയം സന്ദർശിക്കുന്നു, തുടർന്ന് പ്രാർത്ഥന നടത്തുന്നതിന് മുമ്പ് ഒരു വിശുദ്ധ നീരുറവയിൽ കുളിക്കുന്നു. ഈ സമയത്താണ് ലൈം​ഗിക ബന്ധത്തിലേർപ്പെടാനുള്ള പങ്കാളിയെ തെരഞ്ഞെടുക്കുന്നത്.

ഒരു മുസ്ലീം രാജ്യമായ ഇന്തോനേഷ്യയിലാണ് ഇത്തരം ഒരു ആചാരം നടക്കുന്നത്. ഈ ആചാരം ഇന്തോനേഷ്യയിൽ തന്നെ മറ്റെവിടെയെങ്കിലുമോ മറ്റ് ഇസ്ലാമിക രാജ്യങ്ങളിലോ നിലവിലില്ല. ഇസ്ലാമിക, ഹിന്ദു, ബുദ്ധമത സ്വാധീനങ്ങളുള്ള മതപരമായ ആശയങ്ങളുടെ ജാവനീസ് മിശ്രിതമാണിതെന്നാണ് ​ഗവേഷകർ പറയുന്നത്.വിദ്യാർത്ഥിനികൾ മുതൽ വീട്ടമ്മമാർ വരെ ഇവിടെയെത്തി പരപുരുഷന്മാരുമായി ലൈം​ഗിക ബന്ധത്തിലേർപ്പെടുന്നു. വിവാഹിതരായ പുരുഷന്മാരും സർക്കാർ ഉദ്യോഗസ്ഥരും ഐശ്വര്യം ലഭിക്കാൻ ഇവിടെ വന്ന് പരിചയമില്ലാത്ത സ്ത്രീകളുമായി സെക്സിലേർപ്പെടുന്നു.

ലൈം​ഗിക തൊഴിലാളികളും ഇത് ഒരു അവസരമായി കണ്ട് ഇവിടെ എത്താറുണ്ടത്രെ. ലൈം​ഗിക ബന്ധത്തിനിടയിൽ കോണ്ടം ധരിക്കാൻ പുരുഷന്മാർ വിമുഖത കാണിക്കുന്നതിനാൽ ലൈം​ഗിക രോ​ഗങ്ങളുടെ വിതരണ പ്രദേശമാണ് ഇവിടമെന്ന വിമർശനവും ഉയരുന്നുണ്ട്.ഒരു തവണ ലൈം​ഗിക ബന്ധത്തിലേർപ്പെടുന്ന അതേ ഇണയുമായി വീണ്ടും ആറുതവണ കൂടി സെക്സിൽ ഏർപ്പെട്ടാലേ ഫലം ലഭിക്കുകയുള്ളത്രെ.

അതിനാൽ ഇരുവരും പരസ്പരം പ്രതിബദ്ധത പുലർത്തേണ്ടതുണ്ട്. അവർ മൊബൈൽ ഫോൺ നമ്പറുകളും വിലാസങ്ങളും കൈമാറുകയും വീണ്ടും എവിടെ കാണണമെന്ന് തീരുമാനിക്കുകയും വേണം. അങ്ങനെ അവർക്ക് ആചാരം പൂർത്തിയാക്കാൻ കഴിയും. ആചാരം നടത്തുന്നവരിൽ ഭൂരിഭാഗവും ചെറുകിട കച്ചവടക്കാരാണ്. ആചാരം അനുഷ്ഠിച്ചാൽ തങ്ങളുടെ ബിസിനസ് മെച്ചപ്പെടുമെന്നും നല്ല പണമുണ്ടാക്കുമെന്നും വിജയിക്കുമെന്നും അവർ പ്രതീക്ഷിക്കുന്നു.

പത്തൊൻപതാം നൂറ്റാണ്ടിന്റെ അവസാനം മുതൽ ഭക്തർ കെമുകൂസിലേക്ക് ട്രെക്കിംഗ് നടത്തുന്നുണ്ട്, 1980-കളിൽ മാത്രമാണ് ഇവിടെ താമസ സൗകര്യങ്ങൾ ഒരുങ്ങിയത്. അതിനുമുമ്പ് ദമ്പതികൾ മരങ്ങൾക്കടിയിൽ ലൈംഗിക ബന്ധത്തിൽ ഏർപ്പെട്ടിരുന്നു. പാൻഗെറൻ സമോദ്രോയുടെയും ന്യായ് ഒൻട്രോവുലന്റെയും ശവക്കുഴിയിൽ ആദ്യ പ്രാർത്ഥനകളും പുഷ്പങ്ങൾ അർപ്പിക്കുന്നതും ഈ ആചാരത്തിൽ ഉൾപ്പെടുന്നു.

തീർത്ഥാടകർ പിന്നീട് മലമുകളിലെ പുണ്യ നീരുറവകളിലൊന്നിൽ സ്വയം കഴുകുകയും അവരുമായി ലൈംഗിക ബന്ധത്തിൽ ഏർപ്പെടാൻ ഒരു അപരിചിതനെ കണ്ടെത്തുകയും വേണം. അവർ ഏഴു തവണ ലൈംഗിക ബന്ധത്തിൽ ഏർപ്പെടണം. അതായത് ഓരോ 35 ദിവസത്തിലും. അതിനാൽ ഇത് ഒരു വർഷത്തോളം നീണ്ടുനിൽക്കുന്ന ബന്ധമാണ്.