കൊച്ചി: കോൺഗ്രസ് എംഎൽഎമാർ ലോക്കപ്പിൽ നിന്ന് കെഎസ്‍യു പ്രവർത്തകരെ മോചിപ്പിച്ച സംഭവത്തിൽ രണ്ട് പൊലീസുകാർക്ക് സസ്പെൻഷൻ. പൊലീസുകാരുടെ ഭാഗത്ത് വീഴ്ചയുണ്ടായെന്ന് ചൂണ്ടിക്കാട്ടിയാണ് നടപടി.
സംഭവവുമായി ബന്ധപ്പെട്ട് എറണാകുളം കാലടി പൊലീസ് സ്റ്റേഷനിലെ ഗ്രേഡ് എസ്ഐ സതീഷ്, സിവിൽ പൊലീസ് ഓഫീസർ ബേസിൽ എന്നിവരെയാണ് സസ്പെൻഡ് ചെയ്തത്. എസ്എഫ്ഐ പ്രവർത്തകരുമായുണ്ടായ സംഘർഷത്തെ തുടർന്നാണ് കെഎസ്‍യു പ്രവർത്തകരെ പൊലീസ് കസ്റ്റഡിയിലെടുത്തത്.
പത്തനംതിട്ടയിൽ വൻ കഞ്ചാവ് വേട്ട: പിടിച്ചെടുത്തത് 100 കിലോയിലധികം, മൂന്നുപേർ പിടിയിൽ
ഒരാളെ ലോക്കപ്പിൽ അടയ്ക്കുകയും ചെയ്തിരുന്നു. തുടർന്ന് റ്റേഷനിലെത്തിയ റോജി എം ജോൺ അടക്കമുള്ള നേതാക്കൾ പ്രതിഷേധിച്ചതോടെ, പൊലീസ് കെഎസ്‍യു പ്രവർത്തകരെ വിട്ടയക്കുകയായിരുന്നു.
നേതാക്കൾ ശകാരിച്ചതോടെ മേലുദ്യോഗസ്ഥരെ പോലും അറിയിക്കാതെ കെഎസ്‍യു പ്രവർത്തകരെ വിട്ടയച്ചതിൽ വീഴ്ചയുണ്ടായെന്ന സ്പെഷൽ ബ്രാഞ്ച് റിപ്പോർട്ടിനെ തുടർന്നാണ് ഇപ്പോൾ പൊലീസുകാർക്കെതിരെ നടപടി ഉണ്ടായത്.
Post Your Comments