ബസും ലോറിയും കൂട്ടിയിടിച്ച് വന്‍ അപകടം, ആറ് മരണം: മരണ സംഖ്യ ഉയരുമെന്ന് റിപ്പോര്‍ട്ട്

കടപ്പ: ബസ് ലോറിയുമായി കൂട്ടിയിടിച്ച് വന്‍ അപകടം. ആറ് പേര്‍ മരിച്ചതായി സ്ഥിരീകരിച്ചു. 20ലധികം ആളുകള്‍ക്ക് പരിക്കേറ്റു. ആന്ധ്രാപ്രദേശിലെ കടപ്പ ജില്ലയിലാണ് അപകടം നടന്നത്. തിരുപ്പതിയില്‍ നിന്ന് കടപ്പയിലേക്ക് പോവുകയായിരുന്ന ആന്ധ്രാ സര്‍ക്കാരിന്റെ ബസും ചെന്നൈയിലേക്ക് പോവുകയായിരുന്ന ലോറിയും തമ്മില്‍ കൂട്ടിയിടിക്കുകയായിരുന്നു. ഇടിയുടെ ആഘാതത്തില്‍ ബസിന്റെ മുന്‍വശം പൂര്‍ണ്ണമായും തകര്‍ന്നു.

Read Also; 2000 കിലോ തക്കാളി മോഷണം: ദമ്പതികള്‍ അറസ്റ്റില്‍

ബസിലുണ്ടായിരുന്ന നാലുപേര്‍ സംഭവസ്ഥലത്തും രണ്ടുപേര്‍ ആശുപത്രിയിലേക്ക് പോകും വഴിയുമാണ് മരിച്ചത്. പരിക്കേറ്റ 20 ലധികം പേരെ അടുത്തുള്ള ആശുപത്രിയിലേക്ക് മാറ്റി. പരിക്കേറ്റ ചിലരുടെ നില ഗുരുതരമാണ്. മരണ സംഖ്യ ഇനിയും ഉയര്‍ന്നേക്കാമെന്നാണ് പുറത്തുവരുന്ന റിപ്പോര്‍ട്ട്.