ആറാട്ടുപുഴ ക്ഷേത്രവും ഐതിഹ്യവും

കേരളത്തില്‍ തൃശ്ശൂര്‍ ജില്ലയിലെ ആറാട്ടുപുഴയിലെ പ്രശസ്തമായ ധര്‍മശാസ്ത ക്ഷേത്രമാണ് ആറാട്ടുപുഴ ക്ഷേത്രം. ഏകദേശം 3,000-ലധികം വർഷം പഴക്കമുള്ള ക്ഷേത്രം കൂടിയാണിത്. പൂര്‍വ്വ കാലത്ത് ഇത് ദ്രാവിഡ ക്ഷേത്രമായിരുന്നെന്നും, പിന്നീട് കേരളത്തിലെ പ്രബലമായ ബൗദ്ധക്ഷേത്രമായി പരിണമിച്ചുവെന്ന ഐതിഹ്യവും നിലനിൽക്കുന്നുണ്ട്.

8-ാം നൂറ്റാണ്ടിലാണ് ഈ ക്ഷേത്രം ഹിന്ദുമതസ്ഥരുടെ കൈകളിലെത്തിച്ചേരുന്നത്. പുരാതനവും പ്രശസ്തവുമായ ദേവമേള ഉത്സവം ഇവിടെയാണ് നടക്കുക. 108 ആനപ്പുറത്താണ് ഇവിടെ പൂരം നടത്തുക. 108 ആനകള്‍ മുഴുവനും വെവേറെ ക്ഷേത്രങ്ങളില്‍ നിന്നാണ് വരുന്നത്. ഓരോ ആനകളും ഓരോ ദേവകളെ പ്രതിനീധീകരിക്കും. ആറാട്ടുപുഴ ശാസ്താവ് ആതിഥേയനായിരിക്കും. എല്ലാ ദേവീദേവന്മാരും ഈ ഉത്സവത്തിന് ഒത്തുകൂടാറുണ്ടെന്നു വിശ്വസിക്കപ്പെടുന്നു.

Also Read: വ്യായാമത്തിന് മുമ്പ് വാം അപ്പ് ചെയ്യുന്നതിന്റെ ഗുണങ്ങള്‍ അറിഞ്ഞിരിക്കാം

അയ്യപ്പനാണ് ഈ ക്ഷേത്രത്തിലെ പ്രധാന പ്രതിഷ്ഠ. ഇടതുകാലും വലതുകാലും മടക്കി ചമ്രം പടിഞ്ഞിരുന്ന് ഇടതുകൈ വലത്തെ തുടയിൽ വിശ്രമിക്കുന്ന രീതിയിൽ ശാന്തമായി ഇരുന്ന് വലതുകാൽ മുട്ടിൽ ഊന്നിയ വലതു കൈയിൽ അമൃത കലശം ഏന്തിയ ഇവിടത്തെ ശാസ്താവിന്റെ വിഗ്രഹം അതിപ്രശസ്തമാണ്. തിരൂട്ട്, അട, നാളികേരമുടക്കൽ, കരിക്കഭിഷേകം എന്നിവയാണ് ഈ ക്ഷേത്രത്തിലെ പ്രധാന വഴിപാടുകൾ. കൊച്ചിൻ ദേവസ്വം ബോർഡിന്റെ കീഴിലാണ് ആറാട്ടുപുഴ ക്ഷേത്രം സ്ഥിതി ചെയ്യുന്നത്.