കഞ്ചാവ് കാറിൽ കടത്താൻ ശ്രമം: മുൻ ആംബുലൻസ് ഡ്രൈവർ അറസ്റ്റിൽ

കാസർ​ഗോഡ്: കാഞ്ഞങ്ങാട് മുൻ ആംബുലൻസ് ഡ്രൈവർ കഞ്ചാവുമായി പിടിയിൽ. മടിക്കൈ മൂന്ന റോഡ് നെല്ലാം കുഴി ഹൗസിൽ മനോജ്‌ തോമസ് (43) ആണ് അറസ്റ്റിലായത്. കാറിൽ കടത്തുകയായിരുന്ന 1.3 കിലോ കഞ്ചാവുമായിട്ടാണ് ഇയാൾ പിടിയിലായത്.

Read Also : ട്രാന്‍സ്‌ഫോര്‍മര്‍ പൊട്ടിത്തെറിച്ച് വന്‍ അപകടം, അഞ്ച് പൊലീസുകാരടക്കം 15 പേര്‍ ദാരുണമായി കൊല്ലപ്പെട്ടു

ചൊവ്വാഴ്ച രാത്രി ദേശീയപാതയിൽ ക്രൈസ്റ്റ് സ്കൂളിന് സമീപം നടത്തിയ പരിശോധനയിലാണിയാൾ പിടിയിലായത്. കാസർ​ഗോഡ് ജില്ല പൊലീസ് മേധാവി ഡോ. വൈഭവ് സക്സേനയുടെ നേതൃത്വത്തിൽ നടപ്പിലാക്കി വരുന്ന ഓപ്റേഷൻ ക്ലീൻ കാസർ​ഗോഡിന്റെ ഭാഗമായി നടത്തിയ പരിശോധനയിലാണ് കഞ്ചാവ് പിടികൂടിയത്.

ഹോസ്ദുർഗ് ഇൻസ്‌പെക്ടർ കെ. പി ഷൈൻ, എസ്.ഐ സതീശൻ എന്നിവരുടെ നേതൃത്വത്തിൽ നടത്തിയ പരിശോധനയിൽ ഹോസ്ദുർഗ് പൊലീസ് സ്റ്റേഷനിലെ രജീഷ്, മനു, ജ്യോതിഷ് എന്നിവരും സംബന്ധിച്ചു. പ്രതിയെ കോടതിയിൽ ഹാജരാക്കും.