വിശ്രമത്തിനൊടുവിൽ ഉയർത്തെഴുന്നേറ്റ് സ്വർണവില, ഇന്നത്തെ നിരക്കുകൾ അറിയാം

ദിവസങ്ങൾ നീണ്ട വിശ്രമത്തിനോടുവിൽ സംസ്ഥാനത്ത് ഇന്ന് സ്വർണവിലയിൽ വർദ്ധനവ്. ഒരു പവൻ സ്വർണത്തിന് ഇന്ന് 80 രൂപയാണ് വർദ്ധിച്ചത്. ഇതോടെ, ഒരു പവൻ സ്വർണത്തിന്റെ ഇന്നത്തെ വിപണി വില 44,080 രൂപയാണ്. ഒരു ഗ്രാം സ്വർണത്തിന് 10 രൂപ ഉയർന്ന് 5,510 രൂപ നിരക്കിലാണ് വ്യാപാരം പുരോഗമിക്കുന്നത്. തുടർച്ചയായ നാല് ദിവസം സംസ്ഥാനത്ത് സ്വർണവിലയിൽ മാറ്റങ്ങൾ രേഖപ്പെടുത്തിയിരുന്നില്ല.

ഈ മാസത്തെ ഏറ്റവും താഴ്ന്ന വിലയിൽ സ്വർണവില രേഖപ്പെടുത്തിയത് ജൂലൈ മൂന്നാം തീയതിയാണ്. ഒരു പവൻ സ്വർണത്തിന് 43,240 രൂപയും, ഒരു ഗ്രാമിന് 5,405 രൂപയാണ് ജൂലൈ മൂന്നിലെ വിലനിലവാരം. ആഗോള വിപണികൾ ട്രോയി ഔൺസിന് 5.77 ഡോളർ ഉയർന്ന് 1,960.89 രൂപ നിലവാരത്തിലാണ് വ്യാപാരം പുരോഗമിക്കുന്നത്. അതേസമയം, സംസ്ഥാനത്ത് ഇന്ന് വെള്ളി വിലയിൽ മാറ്റമില്ല. ഒരു ഗ്രാം വെള്ളിക്ക് 81.50 രൂപയാണ് വില. 8 ഗ്രാം വെള്ളിക്ക് 652 രൂപ നിരക്കിലും, 10 ഗ്രാമിന് 815 രൂപ നിരക്കിലുമാണ് വ്യാപാരം പുരോഗമിക്കുന്നത്.

Also Read: സംസ്ഥാനത്ത് പേവിഷബാധ പ്രതിരോധ വാക്സിൻ കിട്ടാക്കനിയാകുന്നു: വലഞ്ഞ് പൊതുജനങ്ങൾ