പ്ലസ് വൺ പ്രവേശനം: ആദ്യ സപ്ലിമെന്ററി അലോട്ട്മെന്റ് ഫലം നാളെ അറിയാം

സംസ്ഥാനത്ത് ഒന്നാം വർഷ ഹയർ സെക്കൻഡറി പ്രവേശനത്തിനുള്ള ആദ്യ സപ്ലിമെന്ററി അലോട്ട്മെന്റ് ഫലം നാളെ പ്രസിദ്ധീകരിക്കും. അലോട്ട്മെന്റ് ലഭിച്ച വിദ്യാർത്ഥികൾക്ക് അതത് സ്കൂളുകളിൽ രാവിലെ 10 മണി മുതൽ പ്രവേശനം നേടാവുന്നതാണ്. പതിനാലാം തീയതി വൈകിട്ട് നാല് മണി വരെയാണ് പ്രവേശനം നേടാൻ സാധിക്കുക. തുടർ അലോട്ട്മെന്റുകളെ കുറിച്ചുള്ള വിവരങ്ങൾ ജൂലൈ 18നാണ് പ്രസിദ്ധീകരിക്കുക. വിദ്യാർത്ഥികൾക്ക് www.admission.kerala.gov.in എന്ന വെബ്സൈറ്റ് സന്ദർശിച്ച് അലോട്ട്മെന്റ് വിവരങ്ങൾ അറിയാവുന്നതാണ്.

അലോട്ട്മെന്റ് ലഭിച്ചവർ കാൻഡിഡേറ്റ് ലോഗിനിൽ നിന്നും ലഭിക്കുന്ന അലോട്ട്മെന്റ് ലെറ്ററിലെ സ്കൂളുകളിൽ രക്ഷകർത്താവിനോടൊപ്പം ആവശ്യമുള്ള സർട്ടിഫിക്കറ്റുകളുടെ അസ്സൽ സഹിതം ഹാജരാകണം. വിദ്യാർത്ഥികൾക്ക് പ്രവേശനത്തിന് ആവശ്യമുള്ള അലോട്ട്മെന്റ് ലെറ്റർ അലോട്ട്മെന്റ് ലഭിച്ച സ്കൂളിൽ നിന്നും പ്രിന്റ് എടുത്ത് അഡ്മിഷൻ സമയത്ത് നൽകും. സപ്ലിമെന്ററി അലോട്ട്മെന്റിൽ ഇടം നേടുന്നവർ ഫീസ് അടച്ച് പ്രവേശനം നേടേണ്ടതാണ്.

Also Read: ‘മതസ്വാതന്ത്ര്യത്തിന് വിരുദ്ധം’: ഏകീകൃത സിവിൽ കോഡിനെ എതിർത്ത് ഡിഎംകെ