ലഷ്കർ ഇ ത്വായ്ബയിലെ അഞ്ച് ഭീകരരെ അറസ്റ്റ് ചെയ്ത് ജമ്മു കാശ്മീർ പോലീസ്

ഭീകരവാദ സംഘടനയായ ലഷ്കർ ഇ ത്വായ്ബയിലെ ഭീകരരെ അറസ്റ്റ് ചെയ്ത് ജമ്മു കാശ്മീർ പോലീസ്. അഞ്ച് ഭീകരരാണ് പോലീസിന്റെ പിടിയിലായത്. സൈന്യവും പോലീസും സംയുക്തമായി നടത്തിയ തിരച്ചിൽ ഒടുവിലാണ് ഭീകരരെ പിടികൂടിയത്. ഇവരിൽ നിന്നും നിരവധി ആയുധങ്ങളും സ്ഫോടക വസ്തുക്കളും പിടിച്ചെടുത്തിട്ടുണ്ട്. കാശ്മീരിലെ ബുദ്ഗാം ജില്ലയിലാണ് സംഭവം.

പിടിയിലായ ഭീകരർ ഖാഗ് സ്വദേശികളാണെന്ന് തിരിച്ചറിഞ്ഞിട്ടുണ്ട്. പ്രതികളെ കുറിച്ചുളള കൂടുതൽ അന്വേഷണം അധികൃതരുടെ നേതൃത്വത്തിൽ ആരംഭിച്ചിട്ടുണ്ട്. അടുത്തിടെ ജമ്മു കാശ്മീരിലെ ഷോപ്പിയാനിൽ നിന്നും ലഷ്കർ ഇ ത്വായ്ബയിലെ രണ്ട് പേർ പോലീസിന്റെ പിടിയിലായിരുന്നു. സെൻട്രൽ റിസർവ് സേനയും, പോലീസും ചേർന്നാണ് ഭീകരരെ പിടികൂടിയത്. തുടർച്ചയായി ഭീകരരെ പിടികൂടിയ സാഹചര്യത്തിൽ ജമ്മു കാശ്മീരിലെ വിവിധ ഭാഗങ്ങളിൽ കർശന പരിശോധന നടത്താൻ അധികൃതർ തീരുമാനിച്ചിട്ടുണ്ട്.

Also Read: ആവി പിടിക്കുമ്പോള്‍ ശ്രദ്ധിക്കേണ്ട കാര്യങ്ങളറിയാം