മുന്നേറ്റം തുടർന്ന് ആഭ്യന്തര സൂചികകൾ, തുടർച്ചയായ രണ്ടാം ദിനവും നേട്ടത്തിലേറി വ്യാപാരം

ആഴ്ചയുടെ രണ്ടാം ദിനമായ ഇന്ന് നേട്ടത്തിലേറി ഓഹരി വിപണി. തുടക്കം മുതൽ മികച്ച പ്രകടനം കാഴ്ചവച്ച ആഭ്യന്തര സൂചികകൾ നേട്ടത്തിലാണ് ഇന്ന് വ്യാപാരം അവസാനിപ്പിച്ചത്. ബിഎസ്ഇ സെൻസെക്സ് 274 പോയിന്റാണ് ഉയർന്നത്. ഇതോടെ, സെൻസെക്സ് 65,617-ൽ വ്യാപാരം അവസാനിപ്പിച്ചു. നിഫ്റ്റി 84 പോയിന്റ് നേട്ടത്തിൽ 19,439-ലാണ് അവസാനിപ്പിച്ചത്. ഇന്ത്യയിലെയും, യുഎസിലെയും പണപ്പെരുപ്പ കണക്കുകൾ നാളെ പുറത്തുവരാനിരിക്കെയാണ് ഈ മുന്നേറ്റം.

സെൻസെക്സിൽ ഇന്ന് 1,944 ഓഹരികൾ നേട്ടത്തിലും, 1,537 ഓഹരികൾ നഷ്ടത്തിലും, 120 ഓഹരികൾ മാറ്റമില്ലാതെയുമാണ് വ്യാപാരം അവസാനിപ്പിച്ചത്. ടാറ്റാ കമ്മ്യൂണിക്കേഷൻസ്, പോളി ക്യാബ് ഇന്ത്യ, എഫ്എസ്എൻ ഇ-കൊമേഴ്സ് വെഞ്ച്വേഴ്സ്, ഐഡിഎഫ്സി ഫസ്റ്റ് ബാങ്ക്, ഹിന്ദുസ്ഥാൻ ഏയ്റോനോട്ടിക്സ് തുടങ്ങിയവയുടെ ഓഹരികളാണ് ഇന്ന് ഏറ്റവുമധികം നേട്ടം ഉണ്ടാക്കിയത്. അതേസമയം, ബജാജ് ഫിനാൻസ്, ആക്സിസ് ബാങ്ക്, എച്ച്സിഎൽ ടെക്, എസ്ബിഐ, എച്ച്ഡിഎഫ്സി, ബജാജ് ഫിൻസെർവ് തുടങ്ങിയവയുടെ ഓഹരികൾ നഷ്ടത്തിലായിരുന്നു.

Also Read: കർക്കിടകത്തിന് എങ്ങനെയാണ് ‘വിശുദ്ധിയുടെ പരിവേഷം ലഭിച്ചത്: മനസിലാക്കാം