കോട്ടയം: മൊബൈല്‍ ഫോൺ മോഷണക്കേസില്‍ ജാര്‍ഖണ്ഡ് സ്വദേശി പൊലീസ് പിടിയിൽ. ജാര്‍ഖണ്ഡ് സ്വദേശിയായ ഗോപിന്ദ് സിംഗി(34)നെയാണ് അറസ്റ്റ് ചെയ്തത്. കോട്ടയം ഈസ്റ്റ് പൊലീസ് ആണ് പ്രതിയെ അറസ്റ്റ് ചെയ്തത്.
കഴിഞ്ഞ ദിവസം വൈകുന്നേരം ആറിനു കോട്ടയം ഗുഡ് ഷെപ്പേര്‍ഡ് പള്ളിയില്‍ പ്രാര്‍ത്ഥനയ്ക്കായെത്തിയ പെണ്‍കുട്ടിയുടെ മൊബൈല്‍ ഫോണ്‍ ഇയാള്‍ മോഷ്ടിച്ച് കടന്നുകളയുകയായിരുന്നു. കുര്‍ബാനയ്ക്ക് പങ്കെടുക്കാനെത്തിയ പെണ്‍കുട്ടി സമീപം ഇരുന്ന ഡെസ്‌കില്‍ മൊബൈല്‍ ഫോണ്‍ വച്ചതിനുശേഷം പ്രാര്‍ത്ഥിക്കുന്നതിനിടയില്‍ ഇയാള്‍ പിന്നില്‍നിന്നു മൊബൈല്‍ ഫോണ്‍ മോഷ്ടിച്ച് കടന്നുകളയുകയായിരുന്നു.
പരാതിയുടെ അടിസ്ഥാനത്തിൽ കോട്ടയം ഈസ്റ്റ് പൊലീസ് കേസ് രജിസ്റ്റര്‍ ചെയ്യുകയും മോഷ്ടാവിനെ കണ്ടെത്തി പിടികൂടുകയുമായിരുന്നു.
Post Your Comments