തിരുവനന്തപുരം: സംസ്ഥാനത്ത് വീണ്ടും തെരുവുനായ ആക്രമണം. നാലുവയസുകാരിയ്ക്ക് നേരെയാണ് ഇത്തവണ തെരുവുനായ ആക്രമണം ഉണ്ടായത്. കുട്ടിയ്ക്ക് ഗുരുതര പരിക്കേറ്റെന്നാണ് വിവരം. അഞ്ചുതെങ്ങ് മാമ്പള്ളിയിൽ വീട്ടുമുറ്റത്ത് കളിച്ചുകൊണ്ടിരുന്ന നാലു വയസുകാരിയെയാണ് തെരുവുനായ അക്രമിച്ചത്.
മാമ്പള്ളി കൃപാനഗറിൽ റീജൻ – സരിത ദമ്പതികളുടെ മകൾ റോസ്‌ലിനാണ് ആക്രമണത്തിന് ഇരയായത്. കുട്ടിയുടെ നിലവിളി കേട്ട് സമീപവാസികൾ ഓടിയെത്തി രക്ഷിക്കുകയായിരുന്നു. കുട്ടിയുടെ മുഖത്ത് ഉൾപ്പെടെ പരിക്കേറ്റിട്ടുണ്ട്.
Post Your Comments