ടിബിലിസിലേക്ക് സർവീസുകൾ നടത്താനൊരുങ്ങി ഇൻഡിഗോ! ബുക്കിംഗ് ഉടൻ ആരംഭിക്കും

ജോർജിയയിലെ ടിബിലിസിലേക്ക് സർവീസുകൾ നടത്താനൊരുങ്ങി പ്രമുഖ എയർലൈനായ ഇൻഡിഗോ. 2023 ഓഗസ്റ്റ് 8 മുതലാണ് സർവീസുകൾ നടത്താൻ പദ്ധതിയിടുന്നത്. ടിബിലിസിലേക്ക് പറക്കാൻ ആഗ്രഹിക്കുന്നവർക്ക് ഇൻഡിഗോയുടെ ഔദ്യോഗിക വെബ്സൈറ്റ് വഴി ടിക്കറ്റുകൾ ബുക്ക് ചെയ്യാൻ സാധിക്കും. ടിക്കറ്റ് ബുക്കിംഗ് ഉടൻ ആരംഭിക്കുമെന്ന് ഇൻഡിഗോ അറിയിച്ചിട്ടുണ്ട്.

പുതിയ സർവീസിലൂടെ ഇന്ത്യയും ജോർജിയെയും തമ്മിലുള്ള ബന്ധം ശക്തിപ്പെടുത്തുന്നതിനോടൊപ്പം, ടൂറിസം മേഖലയെ പരിപോഷിപ്പിക്കാനും കഴിയുന്നതാണ്. ഇതിലൂടെ ഇരു രാജ്യങ്ങളും തമ്മിലുള്ള സാമ്പത്തിക- സാംസ്കാരിക ബന്ധം കൂടുതൽ ആഴത്തിലാക്കാൻ കഴിയുമെന്നാണ് വിലയിരുത്തൽ. അടുത്തിടെ ഹൈദരാബാദിൽ നിന്നും യുഎഇയിലെ റാസൽഖൈമയിലേക്ക് ഇൻഡിഗോ സർവീസുകൾ ആരംഭിച്ചിരുന്നു. കഴിഞ്ഞ വർഷം മുംബൈയിൽ നിന്ന് റാസൽഖൈമയിലേക്ക് സർവീസുകൾ ആരംഭിച്ചപ്പോഴാണ് ഇൻഡിഗോ ആദ്യമായി യുഎഇ നഗരത്തെ തങ്ങളുടെ നെറ്റ്‌വർക്കിന്റെ ഭാഗമായി പ്രഖ്യാപിച്ചത്. ഇതിന് പിന്നാലെ മറ്റ് എയർലൈനുകളും റാസൽഖൈമയിലേക്ക് പുതിയ സർവീസുകൾ പ്രഖ്യാപിച്ചിട്ടുണ്ട്.

Also Read: ഇസ്ലാമിക നിയമങ്ങള്‍ ഇപ്പോഴുള്ള രീതിയില്‍ തന്നെ മുന്നോട്ട് പോകണം: സാദിഖലി ശിഹാബ് തങ്ങള്‍