നേമം: വീട്ടില്‍നിന്ന് ബൈക്ക് മോഷ്ടിച്ച കേസിലെ പ്രതി പൊലീസ് പിടിയിൽ. കല്ലിയൂര്‍ കല്ലുവിളവീട്ടില്‍ വാടകക്ക് താമസിക്കുന്ന അരുണിനെ (38) ആണ് പിടികൂടിയത്. വിളപ്പില്‍ശാല പൊലീസ് ആണ് പ്രതിയെ പിടികൂടിയത്.
ജൂണ്‍ 15-ന് രാത്രി ഒന്നോടെയാണ് സംഭവം. വിട്ടിയംപാടുള്ള ശശിധരന്റെ മകന്‍ ഷിജുകുമാറിന്റെ കാര്‍ പോര്‍ച്ചില്‍ ഇരുന്ന ബൈക്കാണ് മോഷണം പോയത്. പ്രതി തിരുവനന്തപുരം ജില്ലയിലെ വിവിധ സ്റ്റേഷനുകളില്‍ നിരവധി മോഷണ കേസുകളില്‍ ഉള്‍പ്പെട്ടിട്ടുണ്ടെന്ന് പൊലീസ് പറഞ്ഞു.
കാട്ടാക്കട ഡിവൈ.എസ്.പി ഷിബുവിന്റെ നിർദേശപ്രകാരം സി.ഐ എന്‍. സുരേഷ്‌കുമാര്‍, എസ്.ഐമാരായ ആഷിഷ്, ബൈജു, സി.പി.ഒമാരായ പ്രദീപ്, ജയശങ്കര്‍, അജിത്ത്, രാജേഷ് എന്നിവര്‍ ചേര്‍ന്നാണ് തൊണ്ടിമുതല്‍ സഹിതം പ്രതിയെ പിടികൂടിയത്. പ്രതിയെ കാട്ടാക്കട ജുഡീഷ്യല്‍ ഒന്നാംക്ലാസ് മജിസ്ട്രേറ്റ് കോടതിയില്‍ ഹാജരാക്കിയ ശേഷം റിമാന്‍ഡ് ചെയ്തു.
Post Your Comments