കോട്ടയം: വാറണ്ട് കേസില്‍ ഒളിവിലായിരുന്ന പ്രതി അറസ്റ്റിൽ. കൊക്കോട് ചിറ ഭാഗത്ത് വാടകയ്ക്കു താമസിക്കുന്ന പായിപ്പാട് മാമ്പള്ളി ജിസ് ബിജു (25)വിനെയാണ് അറസ്റ്റ് ചെയ്തത്. കോട്ടയം ഈസ്റ്റ് പൊലീസ് ആണ് പ്രതിയെ അറസ്റ്റ് ചെയ്തത്.
2021-ല്‍ ഇയാളെ പുതുപ്പള്ളി സ്വദേശിനിയായ വീട്ടമ്മയുടെ രണ്ടര പവന്‍റെ മാല സ്‌കൂട്ടറിലെത്തി തട്ടിയെടുത്ത കേസില്‍ ഈസ്റ്റ് പൊലീസ് അറസ്റ്റ് ചെയ്തിരുന്നു. തുടർന്ന്, ഇയാള്‍ കോടതിയില്‍ നിന്നും ജാമ്യത്തിലിറങ്ങി ഒളിവില്‍ പോവുകയായിരുന്നു.
ഇയാള്‍ക്കെതിരെ തൃക്കൊടിത്താനം, ചിങ്ങവനം, മണര്‍കാട് എന്നീ സ്റ്റേഷനുകളില്‍ സമാനമായ കേസുകളുണ്ട്. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.
Post Your Comments