സോഷ്യല്‍മീഡിയയില്‍ ഏറെ ശ്രദ്ധ നേടിയ താരമാണ് അതുല്യ പാലക്കല്‍. ടിക്‌ടോക്കിലും ഇന്‍സ്റ്റഗ്രാം റീല്‍സുമൊക്കെ ചെയ്തു ആരാധകരെ സ്വന്തമാക്കിയ അതുല്യ തന്റെ രഹസ്യ വിവാഹത്തെക്കുറിച്ച് വെളിപ്പെടുത്തിയിരിക്കുകയാണ് ഇപ്പോൾ.
തമിഴ്നാട് സ്വദേശിയും നടനും സംവിധായകനും നിര്‍മാതാവുമൊക്കെയായായ ദിലീപനാണ് അതുല്യയുടെ ഭര്‍ത്താവ്. ഈ വര്‍ഷം റിലീസ് ചെയ്ത യെവന്‍ എന്ന ചിത്രം സംവിധാനം ചെയ്തതും നായകനായി എത്തിയതും ദിലീപനായിരുന്നു. മെയ് നാലാം തിയതിയായിരുന്നു വിവാഹമെന്നും പ്രണയിച്ച ആളെ തന്നെയാണ് വിവാഹം ചെയ്തതെന്നും അതുല്യ ഇന്‍സ്റ്റഗ്രാം പോസ്റ്റില്‍ പറയുന്നു.
read also: തിരുവനന്തപുരം മൃഗശാലയിൽ ഹനുമാൻ കുരങ്ങ് പുറത്തു ചാടി: ജാഗ്രതാ നിർദ്ദേശം പുറപ്പെടുവിച്ച് അധികൃതർ
തന്റെ പ്രണയത്തിന് വീട്ടുകാര്‍ എതിരായിരുന്നു. അവരെ വിട്ടുപോകുകയല്ലാതെ മറ്റ് മാര്‍ഗമില്ലായിരുന്നുവെന്നും 28 വര്‍ഷം തനിക്കൊപ്പമുണ്ടായിരുന്ന വീട്ടുകാരെ വിട്ടുപോകണമെങ്കില്‍ ഈ തീരുമാനമെടുക്കാന്‍ അവര്‍ തന്നില്‍ എത്രത്തോളം സമ്മര്‍ദ്ദം ചെലുത്തിയിട്ടുണ്ടാവും ആലോചിച്ചാല്‍ മനസിലാവുന്നതേയുള്ളൂ എന്നും അതുല്യ പോസ്റ്റിൽ കൂട്ടിച്ചേർത്തു. കൂടാതെ താൻ അനുഭവിച്ചതെല്ലാം ഒരു പ്രസ് മീറ്റിൽ പറയുമെന്നും അതുല്യ പങ്കുവച്ചു.
Post Your Comments