ഒരു നിമിഷത്തിൽ അപ്രതീക്ഷിത അപകടം: നാലു വയസുകാരൻ രക്ഷപ്പെട്ടത് തലനാരിഴയ്ക്ക്

കോഴിക്കോട്: കാറിന് മുകളിൽ സ്‌കൂൾ മതിലിടിഞ്ഞ് വീണു. കുറ്റ്യാടിയിലാണ് സംഭവം. കാറിലുണ്ടായിരുന്ന നാലു വയസുകാരൻ അത്ഭുതകരമായാണ് രക്ഷപ്പെട്ടത്.

Read Also: അമ്മയുടെ രഹസ്യകാമുകനെ യുവാവ് ലൈംഗികാവയവം മുറിച്ചു മാറ്റിയ ശേഷം കല്ലിനിടിച്ചു കൊന്നു

ഇന്ന് രാവിലെയാണ് കുറ്റ്യാടി കെഇടി പബ്ലിക്ക് സ്‌കൂളിന്റെ ചെങ്കൽ മതിലാണ് കാറിന് മുകളിലേക്ക് ഇടിഞ്ഞ് വീണത്. സ്‌കൂളിലേക്ക് വിദ്യാർത്ഥിയെ കൊണ്ടുവിടാൻ വന്ന കാറിന് മുകളിലേക്കാണ് മതിൽ ഇടിഞ്ഞു വീണത്. മതിലിന് സമീപത്തെ റോഡിൽ കാർ നിർത്തി അച്ഛൻ ഫോൺ ചെയ്യുന്നതിനിടെയാണ് അപകടം സംഭവിച്ചത്.

മതിലിടിഞ്ഞ് മണ്ണിനടിയിൽപ്പെട്ട കാറിൽ ഈ സമയം നാല് വയസുള്ള കുട്ടി ഉണ്ടായിരുന്നു. കാറിന്റെ ഡോർ തുറന്ന് കുട്ടിയെ ഉടൻ ശ്രമകരമായി പുറത്തെടുക്കുകയായിരുന്നു.

Read Also: തമിഴ്‌നാട് എക്‌സൈസ് മന്ത്രി വി സെന്തിൽ ബാലാജിയുടെ ഔദ്യോഗിക വസതിയിൽ എൻഫോഴ്‌സ്‌മെന്റ് റെയ്ഡ്