കോഴിക്കോട്: കൊയിലാണ്ടിയിൽ നിര്‍ത്തിയിട്ട കാറിൽ നിന്നും എംഡിഎംഎയും കഞ്ചാവുമായി രണ്ട് യുവാക്കള്‍ പിടിയില്‍. കീഴരിയൂർ പട്ടാം പുറത്ത് മീത്തൽ സനൽ (27) നടുവത്തൂർ മീത്തൽ മാലാടി അഫ്സൽ എന്നിവരാണ് അറസ്റ്റിലായത്. ഇവരിൽ നിന്നും 0.83 ഗ്രാം എംഡിഎംഎയും 3.4 ഗ്രാം കഞ്ചാവും കണ്ടെടുത്തു.
കൊയിലാണ്ടി പൊലീസിന് ലഭിച്ച രഹസ്യവിവരത്തെ തുടർന്ന് സനലിന്റെ വീടിന് സമീപം നിർത്തിയിട്ട കാറിൽ പൊലീസ് സംഘം പരിശോധന നടത്തുകയായിരുന്നു. സനലിന്റെ കാറും പൊലീസ് കസ്റ്റഡിയിലെടുത്തു.
കൊയിലാണ്ടി പോലീസ് ഇൻസ്പെക്ടർ എംവി ബിജു എസ്ഐമാരായ അനീഷ് വടക്കയിൽ, എംപി ശൈലഷ്, എസ് സിപിഒമാരായ ജലീഷ്കുമാർ, രഞ്ജിത് ലാൽ, അജയ് രാജ്, മനോജ് എന്നിവരടങ്ങിയ പൊലീസ് സംഘമാണ് റെയ്ഡ് നടത്തി മയക്കുമരുന്ന് പിടികൂടിയത്.
Post Your Comments