റിയാദ്: പെട്രോൾ പമ്പിൽ തീപിടുത്തം. സൗദി അറേബ്യയിലാണ് സംഭവം. തലസ്ഥാന നഗരമായ റിയാദിലെ പെട്രോൾ പമ്പിലാണ് തീപിടുത്തം ഉണ്ടായത്. ഇന്ധനം നിറയ്ക്കാനെത്തിയ ഒരു വാഹനത്തിലാണ് ആദ്യം തീപിടിച്ചത്. പിന്നീട് മറ്റ് സ്ഥലങ്ങളിലേക്കും തീ പടർന്നു പിടിക്കുകയായിരുന്നു.
സിവിൽ ഡിഫൻസ് അധികൃതർ സംഭവ സ്ഥലത്തെത്തി തീ നിയന്ത്രണ വിധേയമാക്കി. അപകടത്തിൽ ആർക്കും പരിക്കേറ്റിട്ടില്ലെന്നാണ് പുറത്തു വരുന്ന വിവരം. പെട്രോൾ പമ്പിൽ വലിയ നാശനഷ്ടങ്ങൾ സംഭവിച്ചുവെന്നും റിപ്പോർട്ടുകളുണ്ട്.
Post Your Comments