ക​ടം​കൊ​ടു​ത്ത പ​ണം തി​രി​കെ ചോ​ദി​ച്ച മ​ധ്യ​വ​യ​സ്ക​നെ ആ​ക്ര​മി​ച്ചു: യുവാവ് പിടിയിൽ

വ​ർ​ക്ക​ല: ക​ടം​ കൊ​ടു​ത്ത പ​ണം തി​രി​കെ ചോ​ദി​ച്ച മ​ധ്യ​വ​യ​സ്ക​നെ ആ​ക്ര​മി​ച്ച യു​വാ​വ് അറസ്റ്റിൽ. അ​യി​രൂ​ർ തോ​ണി​പ്പാ​റ ല​ക്ഷം​വീ​ട് കോ​ള​നി​യി​ൽ ഞ​ണ്ട് ശ്യാം ​എ​ന്ന ശ്യാ​മാ​ണ്​ (25) അ​റ​സ്റ്റി​ലാ​യ​ത്. അ​യി​രൂ​ർ പൊ​ലീ​സാണ് പി​ടി​കൂടിയത്.

Read Also : ‘കലാരംഗത്ത് പ്രവർത്തിക്കാൻ സിപിഎമ്മാണ് നല്ലത്’ : സംവിധായകൻ രാജസേനൻ ബിജെപി വിട്ട് സിപിഎമ്മിൽ

അ​യി​രൂ​ർ അ​നു​ഭ​വ​നി​ൽ സ​തീ​ശ​നി​ൽ​ നി​ന്ന്​ ശ്യാം ​പ​ണം ക​ടം വാ​ങ്ങി​യി​രു​ന്നു. മാ​സ​ങ്ങ​ളാ​യി​ട്ടും തി​രി​കെ ന​ൽ​കാ​ത്ത​തി​നാ​ൽ ക​ഴി​ഞ്ഞ ദി​വ​സം നേ​രി​ൽ ക​ണ്ട​പ്പോ​ൾ തി​രി​കെ ചോ​ദി​ച്ചു. ഇ​തി​ൽ പ്ര​കോ​പി​ത​നാ​യാ​ണ് ശ്യാം ​സ​തീ​ശ​നെ അ​സ​ഭ്യം പ​റ​യു​ക​യും ആ​ക്ര​മി​ക്കു​ക​യും ചെ​യ്ത​ത്. വെ​ട്ടു​ക​ത്തി​യു​ടെ പി​ടി​ഭാ​ഗം കൊ​ണ്ട് സ​തീ​ശ​ന്റെ ക​വി​ളി​ൽ ആ​ഞ്ഞ​ടി​ച്ചു. പ​ല്ല് ഇ​ള​കി​ത്തെ​റി​ച്ചു. സ​തീ​ശ​ന്റെ ഇ​ട​ത് ക​ണ്ണി​ന്റെ ഭാ​ഗ​ത്തും തോ​ളി​ലും ഇ​ടി​യേ​റ്റു.

സം​ഭ​വ​ശേ​ഷം ഒ​ളി​വി​ൽ പോ​യ പ്രതിയെ സ​തീ​ശ​ന്റെ മൊ​ഴി​യു​ടെ അ​ടി​സ്ഥാ​ന​ത്തി​ലാ​ണ് അ​യി​രൂ​ർ പൊ​ലീ​സ് പി​ടി​കൂ​ടി​യ​ത്. സ​മാ​ന​മാ​യ മ​റ്റൊ​രു അ​ടി​പി​ടി കേ​സും ശ്യാ​മി​നെ​തി​രെയു​ണ്ടെ​ന്ന്​ അ​യി​രൂ​ർ പൊ​ലീ​സ് പ​റ​ഞ്ഞു. വ​ർ​ക്ക​ല കോ​ട​തി​യി​ൽ ഹാ​ജ​രാ​ക്കി പ്രതിയെ റി​മാ​ൻ​ഡ് ചെ​യ്തു.