ദുബായ്: അതിവിദഗ്ദമായി ബാഗിനുള്ളിൽ ഒളിപ്പിച്ച് കഞ്ചാവ് കടത്താൻ ശ്രമിച്ച യുവാവ് പിടിയിൽ. ദുബായ് വിമാനത്താവളത്തിൽ വെച്ചാണ് യുവാവ് അറസ്റ്റിലായത്. ഒരു പ്രമുഖ ഭക്ഷ്യ ഉത്പന്ന ബ്രാന്‍ഡിന്റെ പാക്കറ്റിലാക്കി 7.06 കിലോഗ്രാം കഞ്ചാവാണ് ഇയാള്‍ കൊണ്ടുവന്നത്. യുവാവിന്റെ അസ്വഭാവിക പെരുമാറ്റത്തിൽ സംശയം തോന്നിയ കസ്റ്റംസ് ഇയാളെ വിശദ പരിശോധനയ്ക്ക് വിധേയനാക്കുകയായിരുന്നു. പിടിയിലായ ആള്‍ ഏത് രാജ്യക്കാരനാണെന്ന വിവരം അധികൃതര്‍ പുറത്തുവിട്ടിട്ടില്ല.
ദുബൈ അന്താരാഷ്ട്ര വിമാനത്താവളത്തിലെ ഒന്നാം ടെര്‍മിനലില്‍ വന്നിറങ്ങിയ യാത്രക്കാരന്റെ അസ്വഭാവിക പെരുമാറ്റം കസ്റ്റംസ് ഇന്‍സ്‍പെക്ടര്‍ ശ്രദ്ധിക്കുകയും തുടര്‍ന്ന് ഇയാളുടെ ലഗേജ് വിശദ പരിശോധനയ്ക്ക് വിധേയമാക്കുകയും ചെയ്‍തു. ബാഗ് പരിശോധിച്ചപ്പോള്‍ അസ്വഭാവികമായി ഇരുണ്ട ഒരു ഭാഗം കൂടി കണ്ടെത്തിയതോടെ ഇയാള്‍ ഏതോ നിരോധിത വസ്‍തു കടത്തുന്നതായുള്ള സംശയം ബലപ്പെട്ടു. തുടർന്ന് ബാഗ് മുഴുവൻ പരിശോധിച്ചു. ഇതോടെയാണ് കഞ്ചാവ് കണ്ടെടുത്തത്.
Post Your Comments