നടി നവ്യ നായർ ആശുപത്രിയിൽ; ഉറ്റ സുഹൃത്തിനെ കാണാനെത്തി നിത്യ ദാസ്

കൊച്ചി: നടി നവ്യ നായരെ ആശുപത്രിയിൽ പ്രവേശിപ്പിച്ചു. ശാരീരിക ബുദ്ധിമുട്ടുകളെ തുടര്‍ന്നാണ് നവ്യ നായരെ ആശുപത്രിയില്‍ പ്രവേശിപ്പിച്ചത്. നാവ്യയെ കാണാൻ ഉറ്റ സുഹൃത്തും നടിയുമായ നിത്യ ദാസ് ആശുപത്രിയിൽ എത്തിയിരുന്നു. ഇതിന്റെ ചിത്രവും നിത്യ തന്റെ സോഷ്യൽ മീഡിയയിലൂടെ പുറത്തുവിട്ടിരുന്നു. നവ്യനായരെ നേരിട്ട് കണ്ട് സുഖവിവരങ്ങൾ അന്വേഷിക്കാൻ എത്തിയതായിരുന്നു നിത്യ ദാസ്. നവ്യയുടെ അസുഖം എന്താണെന്ന് പോസ്റ്റിൽ വ്യക്തമാക്കിയിട്ടില്ല.

അതേസമയം പുതിയ ചിത്രം ‘ജാനകി ജാനേ’യുടെ പ്രൊമോഷനു വേണ്ടി സുൽത്താൻ ബത്തേരിയിൽ ആരോഗ്യ പ്രശ്‌നങ്ങളാൽ എത്തില്ലെന്ന് അറിയിച്ചിരുന്നു. ആശുപത്രിയിൽ ഡ്രിപ് നൽകിയിരിക്കുന്ന ചിത്രമാണ് ഇപ്പോള്‍ പുറത്തുവന്നിരിക്കുന്നത്. അനീഷ് ഉപാസന സംവിധാനം ചെയ്ത ’ജാനകി ജാനേ’യിലാണ് താരം ഒടുവിൽ അഭിനയിച്ചത്. അനീഷ് ഉപാസന തന്നെ തിരക്കഥ രചിച്ച ജാനകി ജാനേയുടെ കഥ നടക്കുന്നത് ഇരിങ്ങാലക്കുട, കാറളം, കൊടുങ്ങല്ലൂർ പ്രദേശങ്ങളിലാണ്. ഹൃദ്യമായ ഒരു കുടുംബ കഥ പറയുന്ന ചിത്രമാണ് ജാനകി ജാനേ. നവ്യയുടെ കഥാപാത്രത്തിന് നിറഞ്ഞ കൈയ്യടിയാണ് തീയേറ്ററിൽ നിന്നും ലഭിക്കുന്നത്.