മ്ലാവിനെ കൊന്ന് ഇറച്ചിയാക്കി വില്പന നടത്തി: രണ്ട് പേർ അറസ്റ്റിൽ

കോന്നി: മ്ലാവിനെ പന്നി പടക്കം ഉപയോഗിച്ച് കൊന്ന് ഇറച്ചിയാക്കി വില്പന നടത്തിയ സംഭവത്തിൽ രണ്ട് പേർ അറസ്റ്റിൽ. നീലിപിലാവ് കോയിക്കലേത്ത് അംബുജാക്ഷൻ (50), ചിറ്റാർ തെക്കേകര പുളിമൂട്ടിൽ രാജൻ(62) എന്നിവരെയാണ് വനപാലക സംഘം പിടികൂടിയത്. വടശേരിക്കര ഫോറസ്റ്റ് റേഞ്ച് ഓഫീസർ കെ വി രതീഷിന്‍റെ നേതൃത്വത്തിൽ ഉള്ള സംഘം ആണ് പിടികൂടിയത്.

Read Also : എഐ ക്യാമറ അഴിമതി: കെൽട്രോൺ ചെയർമാന് ശിവശങ്കറിന്റെ അനുഭവം വരുമെന്ന് ചെന്നിത്തല

കരിമാൻതോട് പൂച്ചക്കുളം വനമേഖലയോട് ചേർന്നാണ് സംഭവം. ജനവാസ മേഖലയിൽ പന്നിപ്പടക്കം ഉപയോഗിച്ച് മ്ലാവിനെ കൊല്ലുകയും ഇവിടെ വെച്ച് തന്നെ മ്ലാവിന്‍റെ ജഡം കശാപ്പ് ചെയ്ത് ഇറച്ചി നാല് ചാക്കുകളിലാക്കി കടത്തുകയായിരുന്നു. മ്ലാവ് ഇറച്ചി വാങ്ങിയവരെ കുറിച്ച് വ്യക്തമായ വിവരം ലഭിച്ചിട്ടുണ്ടെന്നും ഇവർക്കെതിരെയും നിയമ നടപടി സ്വീകരിക്കുമെന്നും അന്വേഷണ ഉദ്യോഗസ്ഥർ അറിയിച്ചു.

പ്രതികളെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.