പാലക്കാട്: വീട്ടിൽ മദ്യം സൂക്ഷിച്ച് മദ്യവിൽപ്പന നടത്തിയ യുവാവ് അറസ്റ്റിൽ. പാലക്കാട് മുണ്ടൂരിലാണ് സംഭവം. വീടിന് പുറകിൽ 42 കുപ്പികളിലായി ഒളിപ്പിച്ച് വെച്ചിരുന്ന 27.3 ലിറ്റർ ബിയറും 13 ലിറ്റർ ഇന്ത്യൻ നിർമ്മിത വിദേശ മദ്യവും പിടിച്ചെടുത്തു. എഴക്കാട് വടക്കേക്കര സ്വദേശി ഗണേഷ് എന്നയാളാണ് അറസ്റ്റിലായത്. പറളി റേഞ്ച് ഇൻസ്പെക്ടർ ബാലസുബ്രഹ്മണ്യനും സംഘവും ചേർന്നാണ് വൻ തോതിലുള്ള മദ്യശേഖരം പിടിച്ചെടുത്തത്. ഐ ബി പ്രിവന്റീവ് ഓഫീസർ സുനിൽകുമാർ നൽകിയ വിവരത്തിന്റെ അടിസ്ഥാനത്തിൽ ആയിരുന്നു റെയിഡ്.
Read Also: അഴിമതിക്കാർക്കെതിരെ മുഖം നോക്കാതെ നടപടി സ്വീകരിക്കും: റവന്യു മന്ത്രി
അസിസ്റ്റന്റ് എക്‌സൈസ് ഇൻസ്പെക്ടർ സജീവ് വി, പ്രിവന്റീവ് ഓഫീസർമാരായ രാജേഷ് കുമാർ പി എൻ, ഗുരുവായൂരപ്പൻ പി, സിഇഒ മാരായ സുഭാഷ് ആർ, അഖിൽ ടി വി, ശബരീഷ് വനിത സിഇഒ ലിസി വി കെ, ഡ്രൈവർ മുരളി മോഹൻ എന്നിവർ പരിശോധനാ സംഘത്തിൽ ഉണ്ടായിരുന്നു.
Post Your Comments