മു​ക്കു​പ​ണ്ടം പ​ണ​യം വെച്ച് പ​ണം ത​ട്ടാൻ ശ്ര​മം : യുവാവ് പിടിയിൽ

ഇ​രി​ങ്ങാ​ല​ക്കു​ട: മാ​പ്രാ​ണം ജ​ങ്ഷ​നി​ലെ ധ​ന​കാ​ര്യ സ്ഥാ​പ​ന​ത്തി​ൽ മു​ക്കു​പ​ണ്ടം പ​ണ​യം വെച്ച് പ​ണം ത​ട്ടാൻ ശ്ര​മിച്ച യുവാവ് അറസ്റ്റിൽ. പു​ത്തൂ​ർ പൊ​ന്നൂ​ക്ക​ര ല​ക്ഷം​വീ​ട് കോ​ള​നി​യി​ൽ വി​ജേ​ഷി​നെ​യാ​ണ് (30) അറസ്റ്റ് ചെയ്തത്. 13 പ​വ​ൻ വ​രു​ന്ന 12 മു​ക്കു​പ​ണ്ട വ​ള​ക​ൾ പ​ണ​യ​പ്പെ​ടു​ത്തി നാ​ല​ര ല​ക്ഷം രൂ​പ ത​ട്ടി​യെ​ടു​ക്കാ​ൻ ശ്ര​മി​ച്ച കേ​സി​ലാണ് അ​റ​സ്റ്റ് ചെയ്തത്.

ഈ മാസം 22-നാ​യി​രു​ന്നു കേസിനാസ്പദമായ സം​ഭ​വം. ഡി​വൈ.​എ​സ്.​പി സി.​ആ​ർ. സ​ന്തോ​ഷി​ന്റെ നി​ർ​ദ്ദേ​ശ​പ്ര​കാ​രം സി.​ഐ അ​നി​ഷ് ക​രീം, എ​സ്.​ഐ എം.​എ​സ്. ഷാ​ജ​ൻ എ​ന്നി​വ​രു​ടെ നേ​തൃ​ത്വ​ത്തി​ൽ ആണ് അ​റ​സ്റ്റ് ചെ​യ്ത​ത്. അ​സ്സ​ൽ സ്വ​ർ​ണ​ത്തെ വെ​ല്ലു​ന്ന വ​ള​ക​ളി​ൽ ഹാ​ൾ​മാ​ർ​ക്ക് ചി​ഹ്നം രേ​ഖ​പ്പെ​ടു​ത്തി​യി​ട്ടു​ണ്ട്.

Read Also : വാട്സ്ആപ്പിൽ ഒരേ ഫോണ്ട് ഉപയോഗിച്ചു മടുത്തോ? സന്ദേശങ്ങൾ കളറാക്കാൻ ഈ ആപ്പ് ഉപയോഗിക്കാം

സ​മാ​ന​മാ​യ ത​ട്ടി​പ്പു​ക​ൾ ജി​ല്ല​യി​ൽ പ​ല ധ​ന​കാ​ര്യ സ്ഥാ​പ​ന​ങ്ങ​ളി​ലും ന​ട​ത്തി ല​ക്ഷ​ങ്ങ​ൾ ത​ട്ടി​യെ​ടു​ത്ത​താ​യി പൊ​ലീ​സ് അ​ന്വേ​ഷ​ണ​ത്തി​ൽ വ്യ​ക്ത​മാ​യി​ട്ടു​ണ്ട്. ഇ​ത്ത​രം വ്യാ​ജ ആ​ഭ​ര​ണ​ങ്ങ​ൾ നി​ർ​മി​ച്ച് ന​ൽ​കു​ന്ന വ​ൻ മാ​ഫി​യ സം​ഘ​ത്തെ പ​റ്റി വി​വ​രം ല​ഭി​ച്ച​ത​ന​സ​രി​ച്ച് ജി​ല്ല പൊ​ലീ​സ് മേ​ധാ​വി ഐ​ശ്വ​ര്യ ഡോ​ങ്ഗ്രേ നി​ർ​ദേ​ശ​പ്ര​കാ​രം പ്ര​ത്യേ​ക പൊ​ലീ​സ് സം​ഘം രൂ​പ​വ​ത്ക​രി​ച്ച് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.

പ്ര​തി​യെ പി​ടി​കൂ​ടി​യ സം​ഘ​ത്തി​ൽ ഉ​ദ്യോ​ഗ​സ്ഥ​രാ​യ എ​ൻ.​കെ. അ​നി​ൽ കു​മാ​ർ, ഉ​ല്ലാ​സ് പൂ​തോ​ട്ട്, ര​ഞ്ജി​ത്ത്, വി​പി​ൻ ഗോ​പി, രാ​കേ​ഷ് എ​ന്നി​വ​രും ഉ​ണ്ടാ​യി​രു​ന്നു. പ്രതിയെ കോടതിയിൽ ഹാജരാക്കി.