തെറ്റായ യുപിഐ ഐഡിയിലേക്ക് അയച്ച പണം എങ്ങനെ വീണ്ടെടുക്കാം: മനസിലാക്കാം

മുംബൈ: രാജ്യത്തെ ഏറ്റവും ജനപ്രിയ പേയ്‌മെന്റ് മോഡുകളാണ് യൂണിഫൈഡ് പേയ്‌മെന്റ് ഇന്റർഫേസ് (യുപിഐ). ഇത് വളരെ എളുപ്പവും ലളിതവുമാണ്, മിക്ക ആളുകളും ഇത് ദിവസവും ഉപയോഗിക്കുന്നു. സർക്കാർ കണക്കുകൾ പ്രകാരം, യുപിഐ വഴിയുള്ള ഇടപാടുകൾ 88 ശതമാനം വർധിച്ച് 19.65 ബില്യണിലെത്തി, 2022ലെ മൂന്നാം പാദത്തിൽ മൂല്യത്തിൽ 71 ശതമാനത്തിലധികം വർധിച്ച് 32.5 ലക്ഷം കോടി രൂപയായി. ഉപഭോക്താക്കൾക്കിടയിൽ ഏറ്റവും കൂടുതൽ തിരഞ്ഞെടുക്കപ്പെട്ട പേയ്‌മെന്റ് രീതിയായി ഉയർന്നു, മൊത്തം ഇടപാടിന്റെ അളവിന്റെ 42% വരും ഇത്.

എന്നാൽ ഒരു വ്യക്തി തെറ്റായ വിവരങ്ങൾ നൽകുകയോ തെറ്റായ ഫോൺ നമ്പർ നൽകുകയോ തെറ്റായ യുപിഐ ഐഡിയിലേക്ക് പണം കൈമാറുകയോ ചെയ്യുന്ന സന്ദർഭങ്ങൾ ഉണ്ടാകാം. ഡിജിറ്റൽ സേവനങ്ങളിലൂടെ മനഃപൂർവമല്ലാത്ത ഇടപാടുകളിൽ നിന്ന് പണം വീണ്ടെടുക്കാൻ റിസർവ് ബാങ്ക് ഓഫ് ഇന്ത്യ പ്രത്യേക മാർഗനിർദേശങ്ങൾ പുറപ്പെടുവിച്ചിട്ടുണ്ട്.

നിങ്ങളുടെ പണം വീണ്ടെടുക്കാൻ ഈ രീതികൾ പിന്തുടരുക;

1. കസ്റ്റമർ കെയറുമായി ബന്ധപ്പെടുക: ഗൂഗിൾ പേ, ഫോൺ പേ അല്ലെങ്കിൽ പേയ്ടിഎം യുപിഐ പോലുള്ള നിങ്ങൾ ഉപയോഗിച്ച പേയ്‌മെന്റ് പ്ലാറ്റ്‌ഫോമിന്റെ കസ്റ്റമർ കെയറിലേക്ക് ബന്ധപ്പെടുക. എല്ലാ ഇടപാട് വിശദാംശങ്ങളും അവർക്ക് നൽകുകയും പരാതി നൽകുകയും ചെയ്യുക. റിസർവ് ബാങ്ക് ഓഫ് ഇന്ത്യ (ആർബിഐ) നിശ്ചയിച്ചിട്ടുള്ള മാർഗ്ഗനിർദ്ദേശങ്ങൾ അനുസരിച്ച്, ഇടപാട് നടന്ന് 3 പ്രവൃത്തി ദിവസത്തിനുള്ളിൽ ഒരു പരാതി ഫയൽ ചെയ്യുന്നത് നിങ്ങളുടെ ഫണ്ടുകൾ വീണ്ടെടുക്കാനുള്ള സാധ്യത വർദ്ധിപ്പിക്കുന്നു.

ഭർത്താവിനേയും മകളേയും ഉപേക്ഷിച്ച് യുവതി പഴയ സഹപാഠിക്കൊപ്പം ഒളിച്ചോടി
2. നിങ്ങളുടെ ബാങ്കിൽ ഒരു പരാതി നൽകുക: പേയ്‌മെന്റ് പ്ലാറ്റ്‌ഫോമിന്റെ കസ്റ്റമർ കെയറുമായി ബന്ധപ്പെടുന്നതിനു പുറമേ, നിങ്ങളുടെ ബാങ്കിലും ഒരു പരാതി ഫയൽ ചെയ്യുക. തെറ്റായ ഇടപാടിനെക്കുറിച്ച് അവരെ അറിയിക്കുകയും ആവശ്യമായ വിവരങ്ങൾ നൽകുകയും ചെയ്യുക. തെറ്റായ പേയ്‌മെന്റിനെക്കുറിച്ച് പരാതി നൽകിയാൽ 48 മണിക്കൂറിനുള്ളിൽ പണം വീണ്ടെടുക്കാമെന്നാണ് ആർബിഐയുടെ മാർഗനിർദേശങ്ങൾ.

3. എൻപിസിഐ പോർട്ടലിൽ പരാതി ഫയൽ ചെയ്യുക:

യുപിഐ ആപ്പുകളുടെ ഉപഭോക്തൃ സേവനം കൂടുതൽ സഹായം നൽകുന്നില്ലെങ്കിൽ, നിങ്ങൾക്ക് എൻപിസിഐ പോർട്ടലിലും പരാതി നൽകാം.
‘യോഗിക വെബ്സൈറ്റ് npci.org.in-ലേക്ക് പോകുക

ഇനി ‘വാട് വീ ഡൂ എന്ന ടാബിൽ ക്ലിക്ക് ചെയ്യുക.

തുടർന്ന് യുപിഐയിൽ ടാപ്പ് ചെയ്യുക

അടുത്തതായി ടാപ്പ് ചെയ്ത് തുറക്കുക, തർക്ക പരിഹാര സംവിധാനം തിരഞ്ഞെടുക്കുക

പരാതി വിഭാഗത്തിന് കീഴിൽ, യുപിഐ ഇടപാട് ഐഡി, വെർച്വൽ പേയ്‌മെന്റ് വിലാസം, കൈമാറ്റം ചെയ്ത തുക, ഇടപാട് തീയതി, ഇമെയിൽ ഐഡി, മൊബൈൽ നമ്പർ എന്നിവയുൾപ്പെടെ നിങ്ങളുടെ എല്ലാ ഇടപാട് വിശദാംശങ്ങളും പൂരിപ്പിക്കുക.

പരാതിയുടെ കാരണമായി ‘മറ്റൊരു അക്കൗണ്ടിലേക്ക് തെറ്റായി ട്രാൻസ്ഫർ ചെയ്‌തു’ തിരഞ്ഞെടുക്കുക.

തമിഴ്നാട് വ്യാജമദ്യ ദുരന്തം: വിഷമദ്യം നിർമിച്ചയാൾ പിടിയിൽ

നിങ്ങളുടെ പരാതി സമർപ്പിക്കുക.

നിങ്ങളുടെ ഫോണിൽ നിന്ന് ഇടപാട് സന്ദേശങ്ങളൊന്നും ഇല്ലാതാക്കാതിരിക്കേണ്ടത് പ്രധാനമാണ്. ഈ സന്ദേശങ്ങളിൽ പിപിബിഎൽ നമ്പർ ഉൾപ്പെടെ ആവശ്യമായ വിവരങ്ങൾ അടങ്ങിയിരിക്കുന്നു, ഇത് പരാതി പ്രക്രിയയിൽ പ്രധാനമാണ്.