ഇടപ്പള്ളി: കളമശ്ശേരി മെഡിക്കൽ കോളേജില്‍ ഡോക്ടർക്കു നേരെയുണ്ടായ രോഗിയുടെ ആക്രമണത്തിൽ ഞെട്ടി ആശുപത്രി ജീവനക്കാർ. മദ്യം മാത്രമല്ല മറ്റ് പലതും താൻ ഉപയോഗിക്കാറുണ്ടെന്ന് ആക്രമി പറഞ്ഞുവെന്ന് കളമശേരിയില്‍ രോഗിയുടെ മര്‍ദ്ദനത്തിന് ഇരയായ ഡോക്ടര്‍ വെളിപ്പെടുത്തി. അപകടത്തില്‍ പരിക്കേറ്റ് എത്തിയ വട്ടേകുന്ന് സ്വദേശി ഡോയല്‍ ആണ് ആശുപത്രിയില്‍ ഡോക്ടര്‍ക്ക് നേരെ അതിക്രമം കാട്ടിയത്. രാത്രി 10.50 ഓടെയായിരുന്നു സംഭവം.
സംഭവം മൈനര്‍ ഒ റ്റി എന്ന തങ്ങളുടെ വര്‍ക്കേരിയയിലാണ് സംഭവം നടക്കുന്നതെന്ന് ഡോക്ടര്‍ പറയുന്നു. അയാളുടെ പ്രാഥമിക പരിശോധനയും ഡ്രസിങ്ങും എല്ലാം അവിടെ കഴിഞ്ഞു. അതോടെ അയാളുടെ സ്വഭാവം മാറുകയായിരുന്നു. മറ്റ് രോഗികളുടെ അടുത്ത് പോകുമ്പോള്‍ അനാവശ്യമായി സംസാരിക്കുവാന്‍ തുടങ്ങി. തനിക്ക് നേരെ വധഭീഷണി മുഴക്കിയെന്നും ഡോക്ടര്‍ പറയുന്നു. നിന്റെ മുഖം എനിക്കോര്‍മയുണ്ട് നി വെറും ഡോക്ടറാണ് നിന്നെ കൊന്നുകളയും എന്നയാൾ പറഞ്ഞു.
ഡോക്ടറെ കൈയേറ്റം ചെയ്ത വട്ടക്കുന്ന് സ്വദേശി ഡോയലിനെ പോലീസ് അറസ്റ്റ് ചെയ്തു. ആശുപത്രി സംരക്ഷണ നിയമം, കൃത്യനിർവഹണം തടസ്സപ്പെടുത്തൽ, ആക്രമണം എന്നീ വകുപ്പുകൾ ചുമത്തിയാണ് അറസ്റ്റ്. അപകടത്തിൽ പരിക്ക് പറ്റിയാണ് ഇയാൾ ആശുപത്രിയില്‍ എത്തിയത്. ഇയാൾ മദ്യലഹരിയിലായിരുന്നുവെന്നും അങ്ങനെയാണ് അപകടമുണ്ടായത് എന്നും പോലീസ് പറയുന്നു. ബന്ധുക്കളാണ് ഇയാളെ ആശുപത്രിയിലെത്തിച്ചത്. പ്രതി ഡോക്ടറെ ആക്രമിക്കുകയും കയ്യേറ്റം ചെയ്യുകയും ചെയ്തതോടെ ആശുപത്രി അധികൃതർ പോലീസിനെ വിവരമറിയിക്കുകയായിരുന്നു.
Post Your Comments