ചിങ്ങവനം: വീട്ടമ്മയെ ആക്രമിച്ച കേസില്‍ ബന്ധു അറസ്റ്റിൽ. നാട്ടകം പോളച്ചിറ ഭാഗത്ത് എഴുപതില്‍ചിറ പ്രസാദി(67)നെയാണ് അറസ്റ്റ് ചെയ്തത്. ചിങ്ങവനം പൊലീസ് ആണ് അറസ്റ്റ് ചെയ്തത്.
കഴിഞ്ഞമാസം 21നായിരുന്നു കേസിനാസ്പദമായ സംഭവം. വീട്ടമ്മയുടെ അമ്മയുടെ പേരിലുള്ള സ്ഥലത്തു മതില്‍ കെട്ടാനെത്തിയ വീട്ടമ്മയെയും മകളെയും സമീപത്തു താമസിക്കുന്ന വീട്ടമ്മയുടെ ബന്ധുകൂടിയായ പ്രസാദും കുടുംബാംഗങ്ങളും ചേര്‍ന്നു ചീത്തവിളിക്കുകയും മര്‍ദ്ദിക്കുകയുമായിരുന്നു. ഇവര്‍ തമ്മില്‍ സ്വത്തിന്‍റെ പേരില്‍ കേസുണ്ടായിരുന്നു. ഇതില്‍ കോടതിവിധി വീട്ടമ്മയുടെ അമ്മയ്ക്ക് അനുകൂലമായി വന്നതിനെത്തുടര്‍ന്ന് അമ്മയുടെ പേരിലുള്ള സ്ഥലത്തു മതില്‍കെട്ടാനായി എത്തിയതായിരുന്നു വീട്ടമ്മയും മകളും. തുടർന്ന്, ഇവരെ പ്രസാദും കുടുംബാംഗങ്ങളും ചേര്‍ന്ന് ആക്രമിച്ചു പരിക്കേല്‍പ്പിക്കുകയായിരുന്നു.
Read Also : കളിക്കുന്നതിനിടെ ഊഞ്ഞാൽ കയർ കഴുത്തിൽ കുടുങ്ങി വിദ്യാർത്ഥിക്ക് ദാരുണാന്ത്യം
വീട്ടമ്മയുടെ പരാതിയുടെ അടിസ്ഥാനത്തിൽ ചിങ്ങവനം പൊലീസ് കേസ് രജിസ്റ്റര്‍ ചെയ്യുകയും ഇയാളെ പിടികൂടുകയുമായിരുന്നു. പ്രതിയെ കോടതിയിൽ ഹാജരാക്കി.
Post Your Comments