കാഞ്ഞങ്ങാട്: വില്‍പനക്ക് എത്തിച്ച 10.35 ഗ്രാം എം.ഡി.എം.എയുമായി യുവാവ് അറസ്റ്റിൽ. പള്ളിക്കര സ്വദേശി ഇംതിയാസ് (32) ആണ് പിടിയിലായത്. ബേക്കല്‍ പൊലീസ് സ്റ്റേഷന്‍ പരിധിയില്‍ വെച്ചാണ് പിടിയിലായത്.
ഞായറാഴ്ച രാവിലെ ആറാട്ട് കടവ്-വെടിത്തരക്കല്‍ റോഡ് ജങ്ഷനില്‍ വെച്ചാണ് പ്രതിയെ പിടികൂടിയത്. നിരവധി ക്രിമിനല്‍ കേസുകളില്‍ പ്രതിയും മയക്കുമരുന്ന് മാഫിയയിലെ പ്രധാന കണ്ണിയുമാണ് ഇംതിയാസെന്ന് പൊലീസ് പറഞ്ഞു.
ഇന്‍സ്പെക്ടര്‍ യു.പി. വിപിന്‍, എസ്.ഐ കെ.വി. രാജീവന്‍ എന്നിവരുടെ നേതൃത്വത്തില്‍ ജില്ല പൊലീസ് മേധാവി ഡോ.വൈഭവ് സക്സേനയുടെ നേതൃത്വത്തിൽ ജില്ലയില്‍ മയക്കുമരുന്നുവേട്ട ശക്തമാക്കി. അറസ്റ്റ് ചെയ്ത പ്രതിയെ കോടതിയിൽ ഹാജരാക്കി.
Post Your Comments