സുഡാൻ രക്ഷാദൗത്യം: ഇന്ന് നാട്ടിലെത്തിയത് 22 മലയാളികൾ

തിരുവനന്തപുരം: ആഭ്യന്തര കലാപം നിലനിൽക്കുന്ന സുഡാനിൽ നിന്നും ഇന്ന് 22 മലയാളികൾ കൂടി ജന്മനാട്ടിൽ തിരിച്ചെത്തി. ഡൽഹിയിൽ നിന്നുള്ള എയർ ഏഷ്യ വിമാനത്തിൽ 13 പേർ കൊച്ചിയിലും ഇൻഡിഗോ വിമാനത്തിൽ 9 പേർ തിരുവനന്തപുരത്തുമാണ് എത്തിയത്. ഇതോടെ നാലു ദിവസത്തിനുള്ളിൽ സുഡാനിൽ നിന്നും നാട്ടിലെത്തിയവരുടെ ആകെ എണ്ണം 80 ആയി.

Read Also: നിർമാണത്തിലിരുന്ന വീടിന്റെ സ്ലാബ് തകർന്ന് വീണ് അന്യസംസ്ഥാന തൊഴിലാളിക്ക് ദാരുണാന്ത്യം

ജിദ്ദയിൽ നിന്നും നേരിട്ട് 180 യാത്രക്കാരുമായി സ്‌പൈസ് ജെറ്റിന്റെ ഒരു വിമാനം നാളെ രാവിലെ 6 മണിയോടെ കൊച്ചിയിലെത്തും. ബംഗളുരുവിൽ നിന്ന് 40 പേരും ഡൽഹിയിൽ നിന്ന് 33 പേരും മുംബൈയിൽ നിന്ന് 7 പേരും ഇതിനോടകം കേരളത്തിൽ എത്തിയിട്ടുണ്ട്. 23 – ഓളം പേർ ബംഗളൂരുവിൽ ക്വാറന്റെയ്‌നിലാണ്. മെയ് 2, 3 തീയതികളിൽ ഇവരും നാട്ടിലെത്തും. വിമാനത്താവളങ്ങളിലെത്തിയ മലയാളികളെ നോർക്ക റൂട്ട്‌സ് പ്രതിനിധികൾ സ്വീകരിച്ച് വീടുകളിലേയ്ക്ക് യാത്രയാക്കി.

Read Also: ഇടുക്കിയിലെ പത്താം ക്ലാസുകാരിയെ തട്ടിക്കൊണ്ടുപോയ സുഹൈൽ ചില്ലറക്കാരനല്ല, ബംഗ്ലാദേശ് ബന്ധം കണ്ട് അമ്പരന്ന് പോലീസ്