ന്യൂഡല്‍ഹി: രാഷ്ട്രീയത്തില്‍ അവസരമുണ്ടോ എന്ന് ചോദിച്ച വിദ്യാര്‍ത്ഥിക്ക് രാഹുല്‍ ഗാന്ധി നല്‍കിയ മറുപടിയാണ് ഇപ്പോള്‍ സമൂഹ മാധ്യമങ്ങളില്‍ വൈറലായിരിക്കുന്നത്. ‘ഇത് തനിക്ക് ജന്മനാ ലഭിച്ച കഴിവ്’ ആണെന്നാണ് രാഹുലിന്റെ ഗൗരവകരമായ മറുപടി. മുഖര്‍ജി നഗറില്‍ യൂണിയന്‍ പബ്ലിക് സര്‍വീസ് കമ്മീഷന്‍, സ്റ്റാഫ് സെലക്ഷന്‍ കമ്മീഷന്‍ പരീക്ഷകള്‍ക്ക് തയ്യാറെടുക്കുന്ന വിദ്യാര്‍ത്ഥികളുമായി സംവദിക്കുകയായിരുന്നു അദ്ദേഹം.
Read Also: എൽ നിനോ: രാജ്യത്ത് ഈ വർഷം മൺസൂൺ മഴ കുറഞ്ഞേക്കും
‘രാഷ്ട്രീയത്തില്‍ ഇറങ്ങാന്‍ നിരവധി പ്രതിസന്ധികളുണ്ട്. തന്റെ കാര്യമാണെങ്കില്‍ തനിക്ക് ഇത് ജന്മനാ ലഭിച്ച കഴിവാണ്. പക്ഷേ സാധാരണക്കാര്‍ക്ക് അത്ര എളുപ്പം ഉയരത്തിലെത്താന്‍ സാധിക്കില്ല. അവര്‍ തഴയപ്പെടും’ എന്നായിരുന്നു മറുപടി.
‘ശക്തിയില്ലാത്തവരെ ആശ്രയമില്ലാത്തവരെ സംരക്ഷിക്കുന്നതാണ് തന്റെ രാഷ്ട്രീയം. എല്ലാവര്‍ക്കും അവസരങ്ങള്‍ ലഭിക്കും എന്നാല്‍ ഇന്ത്യയുടെ അധികാരം ചിലരുടെ മാത്രം കൈകളിലാണ്. നിര്‍മ്മാണ പ്രവര്‍ത്തനങ്ങള്‍ക്ക് തൊഴില്‍ സൃഷ്ടിക്കാന്‍ സാധിക്കും. എന്നാല്‍ അതിന് ഒരുപാട് വെല്ലുവിളികളുണ്ട്. ഒന്നാമത് ചൈന അതില്‍ മുന്നിട്ട് നില്‍ക്കുകയാണ്. ആദ്യം അവിടെ ഇന്ത്യയ്ക്ക് മുന്നേറണം’, എന്നായിരുന്നു രാഹുല്‍ പറഞ്ഞത്.
Post Your Comments