ഫോര്‍ട്ട്കൊച്ചി: ഫോര്‍ട്ട്കൊച്ചി കാണാനെത്തിയ വിദ്യാര്‍ത്ഥികളില്‍ നിന്നും പണം കവർന്ന കേസിൽ നാലുപേർ പൊലീസ് പിടിയിൽ. മട്ടാഞ്ചേരി സ്വദേശികളായ പള്ളുരുത്തി നമ്പ്യാപുരം തറേപ്പറമ്പ് വീട്ടില്‍ അഫ്ത്താബ് (18), ഫോര്‍ട്ട്കൊച്ചി കല്‍വത്തിയില്‍ മുനാസ് (18), പ്രായപൂര്‍ത്തിയാകാത്ത രണ്ടു പേരെയുമാണ് പൊലീസ് അറസ്റ്റ് ചെയ്തത്.
പാലക്കാട് നിന്നും ഫോര്‍ട്ട്കൊച്ചി കാണാനെത്തിയ പ്ലസ് വണ്‍ വിദ്യാർത്ഥികളിൽ നിന്നുമാണ് പ്രതികൾ പണം കവർന്നത്. ഫോര്‍ട്ട്കൊച്ചി എസ്.ഐ. കെ.ആര്‍. രൂപേഷിന്റെ നേതൃത്വത്തിലാണ് പ്രതികളെ അറസ്റ്റ് ചെയ്തത്.
Read Also : കിടപ്പുരോഗിയായ വയോധികയെ ആക്രമിച്ച് സ്വർണം കവർന്നു : അയല്‍ക്കാരി അറസ്റ്റിൽ
എ.എസ്.ഐ. സെബാസ്റ്റ്യന്‍, സീനിയര്‍ സിവില്‍ പൊലീസ് ഓഫീസര്‍മാരായ കെ.എസ്. മധു, എം.ജി. സിനീഷ്, മനോജ്, സിവില്‍ പൊലീസ് ഓഫീസര്‍ എം.എ. ജോണ്‍ എന്നിവരും പ്രതികളെ പിടികൂടിയ സംഘത്തിലുണ്ടായിരുന്നു. ഒന്നാം പ്രതി അഫ്ത്താബ് മയക്കുമരുന്ന് കൈവശംവെച്ച കേസിലും മോഷണക്കേസിലും പ്രതിയാണെന്ന് പൊലീസ് പറഞ്ഞു. ഒരാള്‍ ഒളിവിലാണ്. പ്രതികളെ കോടതിയിൽ ഹാജരാക്കി.
Post Your Comments