ഇന്ന് അക്ഷയ തൃതീയ: സ്വര്‍ണവിലയില്‍ ഇടിവ്

കൊച്ചി: അക്ഷയ തൃതീയ ദിനമായ ഇന്ന് കേരളത്തില്‍ സ്വര്‍ണ വില കുറഞ്ഞു. ഒരു പവന് 240 രൂപയാണ് കുറഞ്ഞത്. ഇതോടു കൂടി ഒരു പവന്‍ സ്വര്‍ണത്തിന്റെ വില 44600 രൂപയിലെത്തി. ഒരു ഗ്രാം സ്വര്‍ണത്തിനാകട്ടെ കഴിഞ്ഞ ദിവസത്തേക്കാള്‍ 30 രൂപ കുറഞ്ഞ് 5575 രൂപയിലെത്തി. 18 കാരറ്റ് സ്വര്‍ണത്തിന് ഗ്രാമിന് ഇന്നത്തെ വില 4635 രൂപയാണ്. ഇന്നലത്തെ വിലയില്‍ നിന്ന് 30 രൂപയാണ് 18 കാരറ്റ് സ്വര്‍ണത്തിനും കുറഞ്ഞത്.

Read Also: പ്രധാനമന്ത്രിയുടെ സന്ദർശനം: ഉന്നത ഉദ്യോഗസ്ഥർക്ക് മാത്രം ലഭിക്കുന്ന വിവിഐപി സുരക്ഷയുടെ വിവരങ്ങൾ ചോർന്നു- ഗുരുതര വീഴ്ച്ച

ഏപ്രില്‍ 14ന് സ്വര്‍ണവില സര്‍വകാല റെക്കോര്‍ഡിലെത്തിയിരുന്നു. ഗ്രാമിന് 55 രൂപ വര്‍ധിച്ചാണ് വില റെക്കോര്‍ഡ് മറികടന്ന് 5665 രൂപയിലെത്തിയത്. പവന് 45,320 രൂപയുമായിരുന്നു അന്നത്തെ വില. ഇതിന് മുന്‍പ് ഏപ്രില്‍ 5നാണ് സംസ്ഥാനത്ത് സ്വര്‍ണവില റെക്കോര്‍ഡിട്ടത്. ഗ്രാമിന് 5625 രൂപയായിരുന്നു അന്നത്തെ റെക്കോര്‍ഡ് നിരക്ക്.