വടക്കാഞ്ചേരിയിൽ കെഎസ്ആർടിസി ബസുകൾ തമ്മിൽ കൂട്ടിയിടിച്ച് അപകടം. പാലക്കാട് ഭാഗത്ത് നിന്നും പാലായിലേക്ക് പോകുന്ന ബസും, തൃശ്ശൂരിൽ നിന്ന് പാലക്കാട്ടേക്ക് പോകുന്ന ബസുമാണ് കൂട്ടിയിടിച്ചത്. അപകടത്തിൽ ഒരാൾ മരിച്ചു. ആറ് പേർക്കാണ് പരിക്കേറ്റത്. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചിട്ടുണ്ട്.
മംഗലം യത്തീംഖാന പള്ളിക്ക് മുൻവശമുള്ള ബൈപ്പാസിൽ വച്ചാണ് കെഎസ്ആർടിസി ബസുകൾ തമ്മിൽ കൂട്ടിയിടിച്ചത്. പാലായിലേക്ക് പോവുകയായിരുന്ന ബസ് അമിത വേഗതയിൽ എത്തിയതാണ് അപകടത്തിന് കാരണം. പാലക്കാട് ഭാഗത്തേക്ക് പോകുകയായിരുന്ന കെഎസ്ആർടിസി ബസിന്റെ പിൻഭാഗത്തെ ഡോറിനോട് ചേർന്നാണ് എതിരെ വന്ന ബസ് ഇടിച്ചത്. അപകടത്തെ തുടർന്ന് കല്ലേക്കുളങ്ങര സ്വദേശിയായ ജയൻ സംഭവ സ്ഥലത്ത് തന്നെ മരിച്ചു. ഇടിയുടെ ആഘാതത്തിൽ തലയ്ക്ക് സംഭവിച്ച പരിക്കാണ് മരണത്തിന് കാരണമായത്.
Also Read: കൊവിഡ് പോലെ മറ്റൊരു ദുരന്തം ഉണ്ടാകാന്‍ സാധ്യത
Post Your Comments