തിരുവനന്തപുരം: തിരുവനന്തപുരത്ത് ലഹരി വേട്ട. 5.27 ഗ്രാം എംഡിഎംഎയുമായി യുവാവിനെ അറസ്റ്റ് ചെയ്തു. മഴുവൻകോട് സ്വദേശി 25 വയസുള്ള വിഷ്ണുവിനെയാണ് എക്സൈസ് പിടികൂടിയത്. നർക്കോട്ടിക് സ്‌പെഷ്യൽ സ്‌ക്വാഡ് സർക്കിൾ ഇൻസ്പെക്ടർ ബി. എൽ ഷിബുവിന്റെ നേതൃത്വത്തിൽ നടത്തിയ പരിശോധനയിൽ വെള്ളനാട് വാളിയറ മഴുവൻകോട് ഭാഗത്ത് നിന്നുമാണ് ഇയാളെ പിടികൂടിയത്.
ഈ പ്രദേശത്ത് മയക്കുമരുന്ന് വില്പന നടത്തുന്ന സംഘത്തിലെ പ്രധാന കണ്ണിയാണ് പിടിയിലായ വിഷ്ണു. നിരവധി ചെറുപ്പക്കാരും വിദ്യാർത്ഥികളും ഇയാളുടെ ഇരകളാണ്. കേസ് കണ്ടെടുത്ത സംഘത്തിൽ പ്രിവന്റീവ് ഓഫീസർ സന്തോഷ് കുമാർ, സിവിൽ എക്സൈസ് ഓഫീസർമാരായ, സുരേഷ് ബാബു, നന്ദകുമാർ, രതീഷ് മോഹൻ, അക്ഷയ് സുരേഷ്, വനിതാ സിവിൽ എക്സൈസ് ഓഫീസർ ഗീതകുമാരി, ഡ്രൈവർ അനിൽ കുമാർ എന്നിവരും പങ്കെടുത്തു.
Read Also: തിരുവനന്തപുരം മെഡിക്കൽ കോളേജിൽ 52.6 കോടിയുടെ പദ്ധതി: ആരോഗ്യമന്ത്രി ഉദ്ഘാടനം നിർവ്വഹിക്കും
Post Your Comments