വീടിന് ബോംബെറിഞ്ഞ് ഭീകരാന്തരീക്ഷം സൃഷ്ടിച്ചു: നാല് യുവാക്കൾ അറസ്റ്റിൽ

തിരുവനന്തപുരം: വീടിന് ബോംബെറിഞ്ഞ് ഭീകരാന്തരീക്ഷം സൃഷ്ടിച്ച കേസിലെ പ്രതികള്‍ പിടിയില്‍. കുന്നുകഴി സ്വദേശി റൂബിന്‍ (22), വെട്ടുകാട് സ്വദേശി സഫര്‍ (23), ബാലനഗര്‍ സ്വദേശി സിജന്‍(23) , പള്ളിത്തുറ സ്വദേശി അഖില്‍ (22) എന്നിവരെയാണ് അറസ്റ്റ് ചെയ്തത്.

Read Also : കൊലപാതകം ലോകം കണ്ടു: അതിഖ് അഷ്റഫും സഹോദരനും വെടിയേറ്റ് കൊല്ലപ്പെട്ടു, പോലീസിനും പരിക്ക്: പ്രതികൾ പിടിയിൽ

പേട്ട കരിക്കകം എറുമല ക്ഷേത്രത്തിന് സമീപം ആണ് സംഭവം. പ്രതികളുടെ ലഹരി വസ്തുക്കളുടെ ഇടപാടുമായി ബന്ധപ്പെട്ട ബാലനഗര്‍ സ്വദേശികളായ യുവാക്കളോടുള്ള വൈരാഗ്യത്തെ തുടര്‍ന്നായിരുന്നു ആക്രമണം.

Read Also : കുടുംബസൗഖ്യത്തിനും ജീവിത സൗഭാഗ്യത്തിനും മഹാഭാഗ്യത്തിനും ‘സ്‌കന്ദഷഷ്ഠി’ വ്രതം: അനുഷ്ഠിക്കുമ്പോള്‍ അറിയേണ്ടവ

ശംഖുംമുഖം അസിസ്റ്റന്റ് കമ്മിഷണര്‍ ഡി.കെ.പൃഥ്വിരാജിന്റെ നേതൃത്വത്തില്‍ പേട്ട എസ്.എച്ച്‌.ഒ സാബു, എസ്.ഐമാരായ സുനില്‍, രാഹുല്‍, മഹേഷ് എന്നിവരടങ്ങിയ സംഘവും വലിയതുറ പൊലീസും ചേര്‍ന്നാണ് പ്രതികളെ അറസ്റ്റ് ചെയ്തത്. പ്രതികളെ കോടതിയിൽ ഹാജരാക്കിയ ശേഷം റിമാന്‍ഡ് ചെയ്തു.