മാണ്ഡ്യ: ബൈക്കുകൾ തമ്മിൽ കൂട്ടിയിടിച്ച് നഴ്‌സിംഗ് വിദ്യാർത്ഥിനിക്ക് ദാരുണാന്ത്യം. ചേപ്പുംപാറ നമ്പുരയ്ക്കല്‍ സാബുവിന്റെ മകള്‍ സാനിയ മാത്യു (അക്കു-21) ആണ് മരണപ്പെട്ടത്. മൈസൂരു മണ്ഡ്യ നാഗമംഗലത്താണ് അപകടമുണ്ടായത്. നാട്ടിലേക്കു വരുന്നതിനായി ബസ് കയറാന്‍ സുഹൃത്തിനൊപ്പം ബൈക്കില്‍ പോവുകയായിരുന്നു സാനിയ. എതിർദിശയിൽ വന്ന മറ്റൊരു ബൈക്കുമായി സാനിയയും സുഹൃത്തും സഞ്ചരിച്ച ബൈക്ക് കൂട്ടിയിടിക്കുകയായിരുന്നു.
നാഗമംഗലം ബിജിഎസ് നഴ്സിങ് കോളജിലെ മൂന്നാംവര്‍ഷ വിദ്യാര്‍ഥിനിയായിരുന്നു സാനിയ. വിഷു അവധിക്കായിട്ടായിരുന്നു സാനിയ നാട്ടിലേക്ക് പുറപ്പെട്ടതെന്നാണ് റിപ്പോർട്ട്. മാതാവ്: നിഷ. സഹോദരന്‍: സിബിന്‍. സംസ്‌കാരം ഇന്ന് ഉച്ചയ്ക്ക് ഒന്നിന് വാഴൂര്‍ 19-ാംമൈല്‍ മൗണ്ട് കാര്‍മല്‍ പള്ളിയില്‍.
Post Your Comments