യു​വാ​വി​നെ ന​ഗ്ന​നാ​ക്കി മ​ര്‍​ദി​ച്ച് ഭീ​ഷ​ണി​പ്പെ​ടു​ത്തി പ​ണം ത​ട്ടി​യെടുത്തു : അഞ്ചംഗസം​ഘം അ​റ​സ്റ്റി​ല്‍

കൊ​ച്ചി: യു​വാ​വി​നെ ന​ഗ്ന​നാ​ക്കി മ​ര്‍​ദി​ച്ച് ഭീ​ഷ​ണി​പ്പെ​ടു​ത്തി പ​ണം ത​ട്ടി​യെ​ടു​ത്ത അഞ്ചംഗസം​ഘം പൊലീസ് പിടിയിൽ. മു​ള​വു​കാ​ട് പൊ​ന്നാ​രി​മം​ഗ​ല​ത്ത് വാ​ട​ക​യ്ക്കു താ​മ​സി​ക്കു​ന്ന ത​മി​ഴ്‌​നാ​ട് തെ​ങ്കാ​ശി സ്വ​ദേ​ശി​നി അ​ഞ്ജു (28), സ​ഹോ​ദ​രി പാ​ലാ​രി​വ​ട്ടം തു​രു​ത്തു​മേ​ല്‍ മേ​രി (22), ഇ​വ​രു​ടെ സു​ഹൃ​ത്തു​ക്ക​ളാ​യ വെ​ണ്ണ​ല പൂ​ത്തൊ​ളി​പ്പ​റ​മ്പി​ല്‍ ആ​ഷി​ഖ് (26), ഭാ​ര്യ ഷ​ഹാ​ന (23), മ​ട്ടാ​ഞ്ചേ​രി ജ​ന്മ​പ​റ​മ്പി​ല്‍ അ​രു​ണ്‍ (26) എ​ന്നി​വ​രെ​യാ​ണ് അറസ്റ്റ് ചെയ്തത്. മു​ള​വു​കാ​ട് പൊ​ലീ​സ് ആണ് ഇവരെ പി​ടി​കൂ​ടി​യ​ത്.

Read Also : പിന്നോക്ക വിഭാഗത്തെ അധിക്ഷേപിച്ച സംഭവം: പട്ന കോടതിയിൽ രാഹുൽ ഗാന്ധി ഇന്ന് നേരിട്ട് ഹാജരാകില്ല

അ​ഞ്ജു കാ​ക്ക​നാ​ട് പ​ള്ളി​യി​ല്‍​വ​ച്ച് പ​രി​ച​യ​പ്പെ​ട്ട ത​മ്മ​ന​ത്തു​ള്ള യു​വാ​വി​നെ​യാ​ണ് സ്‌​നേ​ഹം ന​ടി​ച്ച് മു​ള​വു​കാ​ട് പൊ​ന്നാ​രി​മം​ഗ​ല​ത്തെ വാ​ട​ക വീ​ട്ടി​ല്‍ വി​ളി​ച്ചു​വ​രു​ത്തി ന​ഗ്ന​നാ​ക്കി മ​ര്‍ദ്ദി​ച്ച​ത്. കൂ​ടാ​തെ, ഇ​യാ​ളു​ടെ ന​ഗ്ന വീ​ഡി​യോ പ​ക​ര്‍​ത്തു​ക​യും പ​ണ​വും മൊ​ബൈ​ല്‍ ഫോ​ണും എ​ടി​എം കാ​ര്‍​ഡും തട്ടിയെടുക്കുകയും ചെയ്തു. പി​ന്നീ​ട് വീ​ഡി​യോ പ്ര​ച​രി​പ്പി​ക്കു​മെ​ന്ന് ഭീ​ഷ​ണി​പ്പെ​ടു​ത്തി കൂ​ടു​ത​ല്‍ പ​ണം ആ​വ​ശ്യ​പ്പെ​ട്ട​തോ​ടെ​യാ​ണ് യു​വാ​വ് പൊ​ലീ​സി​ല്‍ പ​രാ​തി ന​ല്‍​കുകയായിരുന്നു.

തു​ട​ര്‍​ന്ന്, ന​ട​ത്തി​യ അ​ന്വേ​ഷ​ണ​ത്തി​ല്‍ ആണ് പ്ര​തി​ക​ള്‍ പി​ടി​യി​ലാ​യത്. മു​ള​വു​കാ​ട് പൊ​ലീ​സ് ഇ​ന്‍​സ്‌​പെ​ക്ട​ര്‍ പി.​എ​സ്. മ​ഞ്ജി​ത് ലാ​ല്‍, എ​സ്‌​ഐ എ​ൻ.​ജെ. സു​നേ​ഖ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ്ര​തി​ക​ളെ പി​ടി​കൂ​ടി​യ​ത്. കോ​ട​തി​യി​ല്‍ ഹാ​ജ​രാ​ക്കി​യ പ്ര​തി​ക​ളെ റി​മാ​ന്‍​ഡ് ചെ​യ്തു.