കോട്ടയം: വ്യാപാരിയെയും സുഹൃത്തിനെയും ആക്രമിച്ച കേസില്‍ രണ്ടുപേർ അറസ്റ്റിൽ. മുട്ടമ്പലം വരുവില്ല ഡോണ്‍ ഡെന്‍സണ്‍ (26), മുട്ടമ്പലം കോഴിമല ജെറിന്‍ ജോസഫ് (23) എന്നിവരെയാണ് അറസ്റ്റ് ചെയ്തത്. ചിങ്ങവനം പൊലീസ് ആണ് ഇവരെ അറസ്റ്റ് ചെയ്തത്.
കഴിഞ്ഞ ദിവസം ഉച്ചകഴിഞ്ഞ് 2.45-ന് മണിപ്പുഴ ജംഗ്ഷനുസമീപം ആണ് സംഭവം. ജ്യൂസ് കട നടത്തുന്ന നിധിന്‍, സുഹൃത്തായ പ്രവീണ്‍ എന്നിവരെയാണ് ഇവര്‍ മര്‍ദിച്ചത്. ജ്യൂസ് കടയ്ക്കു സമീപം പ്രതികള്‍ മൂത്രമൊഴിച്ചത് നിധിന്‍ ചോദ്യം ചെയ്തതിനെത്തുടര്‍ന്ന് ഡോണ്‍ ഡെന്‍സണും സുഹൃത്തുക്കളും ചേര്‍ന്നു കടയില്‍ക്കയറി നിധിനെയും സുഹൃത്തിനെയും ആക്രമിക്കുകയും കടയിലെ സാധനങ്ങള്‍ നശിപ്പിക്കുകയുമായിരുന്നു.
എസ്എച്ച്ഒ ടി.ആര്‍. ജിജു, എസ്ഐ അലക്‌സ് എന്നിവരുടെ നേതൃത്വത്തിലാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Post Your Comments