ഫർണിച്ചർ ഷോപ്പിന് തീപിടിത്തം: ഫർണിച്ചറുകൾ കത്തിനശിച്ചു, ആളപായമില്ല

ഓമശ്ശേരിയിൽ ഫർണിച്ചർ ഷോപ്പിന് തീപിടിച്ചു. ഓമശ്ശേരി- താമരശ്ശേരി റോഡിൽ സബ്ഹാൻ എന്ന ഫർണിച്ചർ ഷോപ്പിനാണ് തീ പിടിച്ചത്. മൂന്ന് നിലകളിലായി പ്രവർത്തിക്കുന്ന ഫർണിച്ചർ ഷോപ്പിന്റെ താഴത്തെ നിലയിലെ ഗോഡൗണിലാണ് തീപിടുത്തം. ഫർണിച്ചറുകൾ ഉൾപ്പെടെയുള്ള ഒട്ടനവധി വസ്തുക്കൾ കത്തിനശിച്ചിട്ടുണ്ട്.

ഉച്ചയ്ക്ക് 12 മണിയോടെയാണ് താഴത്തെ നിലയിൽ തീ പടർന്നു തുടങ്ങിയത്. ഷോർട്ട് സർക്യൂട്ടാണ് തീപിടിത്തത്തിന് കാരണമെന്നാണ് പ്രാഥമിക നിഗമനം. മുക്കത്ത് നിന്നും അഗ്നിശമനസേനയുടെ രണ്ട് യൂണിറ്റുകൾ എത്തുകയും, തീ അണയ്ക്കുകയുമായിരുന്നു. ഫർണിച്ചർ ഷോപ്പിന്റെ മൂന്നാം നിലയിലാണ് ജീവനക്കാർ ഉണ്ടായിരുന്നത്. ഫയർഫോഴ്സിന്റെ സമയോചിതമായ ഇടപെടലിലൂടെ വലിയ ദുരന്തമാണ് ഒഴിവായത്. സംഭവത്തിൽ ആളപായമില്ല.

Also Read: മലമ്പുഴയിൽ കാട്ടാന ചരിഞ്ഞതിൽ ദുരൂഹതയെന്ന് ആനപ്രേമി സംഘം