ഷാരൂഖ് കേരളംവിടുന്നു, മഹാരാഷ്ട്ര എടിഎസ് പൊക്കുന്നു! മുഖ്യമന്ത്രി ട്രോഫി ഏറ്റു വാങ്ങുന്നു, പിന്നെ വെടി തീർന്നു: സന്ദീപ്

ട്രെയിനിൽ തീവെപ്പ് നടത്തിയ പ്രതിയെ മഹാരാഷ്ട്ര തീവ്രവാദ വിരുദ്ധ സ്‌ക്വാഡ് പിടിച്ചപ്പോൾ കേരള പൊലീസിന് അഭിനന്ദനം അർപ്പിച്ച് ട്രോഫി നൽകിയ പിണറായി വിജയൻ തള്ള് ആണെന്ന് സന്ദീപ് വാര്യർ. കേരളത്തിലെത്തിയപ്പോൾ തന്നെ വണ്ടിയുടെ വെടി പോയെന്ന് സന്ദീപ് പരിഹസിച്ചു.

അദ്ദേഹത്തിന്റെ പോസ്റ്റിന്റെ പൂർണ്ണ രൂപം:

തീവണ്ടിക്ക് തീയിട്ട് ഷാരൂഖ് പാട്ടും പാടി കേരളം വിടുന്നു . മഹാരാഷ്ട്ര എടിഎസ് പൊക്കുന്നു , മുഖ്യമന്ത്രി തള്ളുന്നു , കേരളം ട്രോഫി ഏറ്റു വാങ്ങുന്നു , ഷാരൂഖിനേയും കൊണ്ട് കേരളം തലപ്പാടി കടക്കുന്നു … ഇത് വരെ മാസ്സ് … ഇനിയാണ് മരണ മാസ് ..
ശേഷം ടയറിന്റെ വെടി തീരുന്നു , അടുത്ത വണ്ടിക്കായി മണിക്കൂറുകൾ കാത്തിരിക്കുന്നു ,

പകരം വന്ന വണ്ടിയിൽ എണ്ണയടിച്ചിട്ടില്ലെന്നറിയുന്നു , ഒടുവിൽ പ്രതിയെ ക്യാമ്പിലെത്തിക്കുന്നു . പുട്ടും കടലയും വാങ്ങിക്കൊടുക്കുന്നു . ചോദ്യം ചെയ്ത്‌ തുടങ്ങിയോ എന്തോ ?
മോന്റെ പേരെന്താണ് ? മോന്റെ ഊരെവിടെയാണ് ? മോന്റെ കുടി എവിടെയാണ് ?