ഉപ്പുതറ: ചപ്പാത്ത് ഹെലിബറിയ വള്ളക്കടവ് പാലത്തിനു സമീപം ലോഡുമായി എത്തിയ ടോറസ് അപകടത്തിൽപ്പെട്ടു. കരിങ്കല്ലുമായി ചപ്പാത്ത് ഭാഗത്തേക്കു പോയ ടോറസാണ് അപകടത്തിൽപ്പെട്ടത്.
ഇന്നലെ രാവിലെ ഒമ്പതോടെയാണ് സംഭവം. വള്ളക്കടവ് പാലം കഴിഞ്ഞ് കയറ്റം കയറുന്നതിനിടെ ലോറിയുടെ വലിവ് നിലയ്ക്കുകയും പിന്നോട്ട് ഉരുളുകയുമായിരുന്നു. നിയന്ത്രണം നഷ്ടമായെന്ന് മനസിലാക്കായ ഡ്രൈവർ ലോറി തിരിച്ച് സമീപത്തെ സ്വകാര്യവ്യക്തിയുടെ മതിലിലിടിപ്പിച്ചു നിർത്തിയതിനാൽ വൻ അപകടം ആണ് ഒഴിവായത്.
തുടർന്ന്, ലോറിയിലുണ്ടായിരുന്ന കല്ലുകൾ മറ്റൊരു ലോറിയിലേക്ക് മാറ്റിയശേഷം ജെസിബി ഉപയോഗിച്ച് വാഹനം ഉയർത്തി റോഡിലേക്കു കയറ്റി. ശാന്തിപ്പാലത്തിന്‍റെ പണി നടക്കുന്നതിനാൽ ചപ്പാത്ത് ഭാഗങ്ങളിലേക്ക് പോകുന്ന വാഹനങ്ങൾ വള്ളക്കടവ് പാലത്തിലൂടെയാണ് കടന്നുപോകുന്നത്. അപകടം ഉണ്ടായതോടെ ഇതുവഴി ഉച്ചവരെ ഗതാഗതതടസമുണ്ടായി.
Post Your Comments