ശൈശവത്തിൽ വളർത്തുമൃഗങ്ങളുമായി സമ്പർക്കം പുലർത്തുന്ന കുട്ടികൾക്ക് ഭക്ഷണ അലർജി ഉണ്ടാകാനുള്ള സാധ്യത കുറവാണ്: പഠനം

ശൈശവാവസ്ഥയിൽ വളർത്തു പൂച്ചകൾ നായകൾ എന്നിവയുമായി സമ്പർക്കം പുലർത്തുന്ന കുട്ടികൾക്ക് ഭക്ഷണ അലർജി ഉണ്ടാകാനുള്ള സാധ്യത കുറവാണെന്ന് അടുത്തിടെ നടന്ന ഒരു ജാപ്പനീസ് പഠനം പറയുന്നു. പ്ലസ് വൺ ജേണലിൽ പ്രസിദ്ധീകരിച്ച പഠനം, ജപ്പാൻ എൻവയോൺമെന്റ് ആൻഡ് ചിൽഡ്രൻസ് സ്റ്റഡിയുടെ ഗവേഷണത്തിന്റെ ബിൽഡപ്പ് ആണ്, ഇത്തരത്തിലുള്ള ഏറ്റവും വലിയ പഠനമാണിത്.

ഫുകുഷിമ മെഡിക്കൽ യൂണിവേഴ്‌സിറ്റിയിലെ ഗവേഷകർ, മൂന്ന് വയസ്സ് വരെയുള്ള 66,000ത്തിലധികം ശിശുക്കളെ ഉൾക്കൊള്ളുന്ന ഡാറ്റയിൽ നിന്ന് നിരവധി ഭക്ഷണ അലർജികളുടെയും വിവിധ വളർത്തുമൃഗങ്ങളുമായുള്ള സമ്പർക്കത്തിന്റെയും നിരക്ക് പരിശോധിച്ചത്തിൽ നിന്നാണ് ഈ നിഗമനത്തിൽ എത്തിയത്.

‘തൊഴിലാളിവർഗ്ഗ ജന്മികൾ ആ സ്ത്രീ തൊഴിലാളിയോട് പ്രതികാരം തീർത്തു’: പ്രതികരണവുമായി ഹരീഷ് പേരടി

വളർത്തു നായ്ക്കൾക്കൊപ്പം ഇടപഴകുന്ന കുട്ടികളിൽ ഭക്ഷണ അലർജി ഉണ്ടാകാനുള്ള സാധ്യത വളരെ കുറവാണെന്ന് പഠനം കാണിക്കുന്നു. വളർത്തു പൂച്ചകളുമായുള്ള സമ്പർക്കം ഭക്ഷണ അലർജികൾ, പ്രത്യേകിച്ച് മുട്ട, ഗോതമ്പ്, സോയാബീൻ അലർജികൾ എന്നിവ ഉണ്ടാകാനുള്ള സാധ്യത കുറയ്ക്കുന്നതായി കാണപ്പെട്ടു.

ഈ പഠനം ശുചിത്വ സിദ്ധാന്തത്തെ അടിസ്ഥാനമാക്കിയുള്ളതാണ്, ഇത് അലർജി രോഗങ്ങൾ തടയുന്നതിന് വളർത്തുമൃഗങ്ങളുടെ സമ്പർക്കം ഫലപ്രദമാണെന്ന് നിർദ്ദേശിക്കുന്നു. എന്നിരുന്നാലും, ഭക്ഷണ അലർജിയുള്ള കുട്ടികളിൽ നായ്ക്കൾ ഒഴികെയുള്ള വളർത്തുമൃഗങ്ങളുമായി സമ്പർക്കം പുലർത്തുന്നതിന്റെ ഫലങ്ങൾ വത്യാസപ്പെട്ടിരിക്കുന്നു.