തിരുവനന്തപുരം: തിരുവനന്തപുരം പെരുമാതുറ പതിനേഴുകാരന്റെ ദുരൂഹ മരണത്തിൽ സുഹൃത്തുക്കൾക്കെതിരെ ആരോപണവുമായി ബന്ധുക്കൾ. മയക്കുമരുന്നു നൽകിയതാണ് തന്റെ മകന്റെ മരണത്തിന് കാരണമെന്ന പരാതിയുമായാണ് അമ്മ രംഗത്തെത്തിയത്. പെരുമാതുറ തെരുവിൽ വീട്ടിൽ സുൽഫിക്കർ റജില ദമ്പതികളുടെ മകൻ ഇർഫാൻ ആണ് മരണപ്പെട്ടത്.
ഇർഫാനെ ഒരു സുഹൃത്ത് വീട്ടിൽ നിന്ന് വിളിച്ചു കൊണ്ടുപോയെന്നും ഏഴുമണിയോടെ ഒരാൾ ഇർഫാനെ വീട്ടിനടുത്ത് ഉപേക്ഷിച്ചു കടന്നു കളയുകയായിരുന്നുവെന്നും ബന്ധുക്കൾ വെളിപ്പെടുത്തി. വീട്ടിലെത്തിയപ്പോൾ ഇർഫാൻ അസ്വസ്ഥതകൾ പ്രകടിപ്പിക്കാൻ ആരംഭിച്ചു. ശക്തമായ ഛർദ്ദിയും ഇർഫാന് അനുഭവപ്പെട്ടിരുന്നു.
ചില സുഹൃത്തുക്കൾ ചേർന്ന് എന്തോ മയക്കുമരുന്ന് മണപ്പിച്ചുവെന്ന് ഇർഫാൻ വെളിപ്പെടുത്തിയിരുന്നതായി മാതാവ് റജുല വ്യക്തമാക്കി. ശാരീരിക അസ്വസ്ഥതകൾ പ്രകടമായതോടെ ഇർഫാനെ സമീപത്തെ സ്വകാര്യ ആശുപത്രിയിലെത്തിച്ചിരുന്നു. പ്രാഥമിക ചികിത്സയ്ക്കു ശേഷം വീട്ടിൽ മടങ്ങിയെത്തിയെങ്കിലും പിന്നീട് ഇർഫാന്റെ ആരോഗ്യനില വഷളാകുകയായിരുന്നു. തുടർന്ന് മെഡിക്കൽ കോളേജിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
Post Your Comments