ഭാ​ര്യ​യെ സഹായിച്ചതിന് യു​വാ​വി​ന് നേരെ ആ​ക്ര​മണം : പ്രതി അറസ്റ്റിൽ

കൊ​ല്ലം: മു​ൻ​വി​രോ​ധം മൂലം യു​വാ​വി​നെ ആ​ക്ര​മി​ച്ച് അ​പാ​യ​പ്പെ​ടു​ത്താ​ൻ ശ്ര​മി​ച്ച​യാ​ൾ പൊലീസ് പി​ടി​യി​ൽ. ക​ണ്ണ​ന​ല്ലൂ​ർ മു​ട്ട​യ്ക്കാ​വ് ഓ​ട്ടി​ക്ക​ല​ഴി​കം​വീ​ട്ടി​ൽ അ​ലി അ​ക്ബ​ർ(41) ആ​ണ് അറസ്റ്റിലായത്. ക​ണ്ണ​ന​ല്ലൂ​ർ പൊലീ​സാണ് പി​ടികൂടി​യ​ത്.

Read Also : ഇലക്ട്രിക് പോസ്റ്റ് ഒ​ടി​ഞ്ഞ് വീ​ണു : ബൈക്ക് യാത്രക്കാരന് ​ഗുരുതര പരിക്ക്

ക​ഴി​ഞ്ഞ ദി​വ​സം മു​ട്ട​യ്ക്കാ​വ് ജം​ഗ്ഷ​നി​ൽ ആണ് സംഭവം. ഇവിടെ ചാ​യ​ക്ക​ട ന​ട​ത്തു​ന്ന നൗ​ഷാ​ദി​നെ​യാ​ണ് പ്ര​തി ക​ട​യി​ൽ ക​യ​റി ആ​ക്ര​മി​ക്കു​ക​യും ക​ഴു​ത്ത് ഞെ​രി​ച്ച് അ​പാ​യ​പ്പെ​ടു​ത്താ​നും ശ്ര​മി​ച്ച​ത്. പ്ര​തി​ക്കെ​തി​രെ അ​മ്മാ​യി അ​മ്മ​യെ കൊ​ല​പ്പെ​ടു​ത്തി​യ കേ​സ് നി​ല​വി​ലു​ണ്ടാ​യി​രു​ന്നു. ഈ ​കേ​സ് ന​ട​ത്താ​ൻ പ്ര​തി​യു​ടെ ഭാ​ര്യ​ക്ക് സ​ഹാ​യം ന​ൽ​കി​യ​തി​നാ​ണ് പ്ര​തി യു​വാ​വി​നെ ആ​ക്ര​മി​ച്ച​ത്.

ക​ണ്ണ​ന​ല്ലൂ​ർ പൊ​ലീ​സി​ൽ ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ പ്ര​തി​യെ പി​ടി​കൂ​ടി അ​റ​സ്റ്റ് രേ​ഖ​പ്പെ​ടു​ത്തു​ക​യാ​യി​രു​ന്നു. ക​ണ്ണ​ന​ല്ലൂ​ർ പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ ജ​യ​കു​മാ​റി​ന്‍റെ നേ​തൃ​ത്വ​ത്തി​ൽ സ​ബ് ഇ​ൻ​സ്പെ​ക്ട​ർ അ​രു​ണ്‍​ഷാ, എ​എ​സ്ഐ രാ​ജേ​ന്ദ്ര​ൻ​പി​ള്ള, എ​സ് സി​പി​ഒ ലാ​ലു​മോ​ൻ, സി​പി​ഒ വി​ഷ്ണു എ​ന്നി​വ​ര​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്. പ്രതിയെ കോടതിയിൽ ഹാജരാക്കി.