ഹരിപ്പാട്: സ്കൂളിൽ പ്ലസ് വൺ വിദ്യാർത്ഥികളെ തടഞ്ഞുനിർത്തി മർദ്ദിക്കുകയും കത്തി കൊണ്ട് കുത്താൻ ശ്രമിക്കുകയും ചെയ്ത കേസിലെ രണ്ടാം പ്രതി അറസ്റ്റിൽ. കരുവാറ്റ, അനിഴം വീട്ടിൽ സിജുരാജ് (ആട് സിജു) ആണ് പൊലീസ് പിടിയിലായത്. ഒന്നാം പ്രതിയായ ശ്രുതി വിഷ്ണുവിനെ നേരത്തേ അറസ്റ്റ് ചെയ്തിരുന്നു.
കുമാരപുരം കെ.കെ.കെ.വി.എം ഹയർസെക്കൻഡറി സ്കൂളിലെ വിദ്യാർത്ഥികളെയാണ് ഇയാൾ മർദ്ദിച്ചത്. സ്കൂട്ടറിൽ വന്ന പ്രതികൾ കുട്ടികൾ വീട്ടിലേക്ക് പോകുമ്പോൾ ആക്രമിക്കുകയായിരുന്നു. കത്തികൊണ്ട് കുത്താൻ ശ്രമിക്കുന്നതു കണ്ട് അതുവഴി വന്നവർ വാഹനം നിർത്തിയതോടെ പ്രതികൾ പിന്തിരിയുകയുമായിരുന്നു. സി.സി ടി.വിയും മറ്റും പരിശോധിച്ചാണ് ഹരിപ്പാട് പൊലീസ് പ്രതികളെ പിടികൂടിയത്.
എസ്.ഐമാരായ ശ്രീകുമാർ, ഷൈജ, എ.എസ്.ഐ സുജിത്, എസ്.സി.പി.ഒമാരായ മഞ്ജു, ചിത്തിര, സി.പി.ഒമാരായ നിഷാദ്, സോനു ജിത്തു എന്നിവരടങ്ങുന്ന സംഘമാണ് പ്രതിയെ അറസ്റ്റ് ചെയ്തത്. കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments