ജിസാൻ: മൊബൈൽ ഫോൺ ചാർജർ പൊട്ടിത്തെറിച്ച് അഗ്നിബാധ. സൗദി അറേബ്യയിലെ ജിസാനിലാണ് സംഭവം. സൗദി പൗരന്മാരായ ഇദ്രീസ് കഅബിയുടെ വീട്ടിലാണ് തീപിടിത്തമുണ്ടായത്. വീട്ടിലെ ഫർണിച്ചറും മറ്റും കത്തിനശിച്ചു. വൻ നാശനഷ്ടമുണ്ടായെന്നാണ് റിപ്പോർട്ട്.
വീട്ടിലെ മുറിയിൽ മകൾ ഫോൺ ചാർജ് ചെയ്യാൻ വച്ചപ്പോഴായിരുന്നു പൊട്ടിത്തെറിച്ചതെന്ന് ഇദ്രീസ് കഅബി പറഞ്ഞു. ആദ്യം മുറിയിലും പിന്നീട് സമീപത്തെ ഹാളിലേക്കും തീ പടർന്നുപിടിച്ചു. മുറിയിലെയും ഹാളിലെയും ഫർണിച്ചർ അടക്കം എല്ലാ വസ്തുക്കളും കത്തിനശിച്ചുവെന്നും അദ്ദേഹം വ്യക്തമാക്കി. അതേസമയം, ആളപായമൊന്നും ഉണ്ടായിട്ടില്ല.
Post Your Comments