അമ്പലപ്പുഴ: വയോധികനെ വഴിയരികില്‍ ഉപേക്ഷിച്ച നിലയില്‍ കണ്ടെത്തി. അടൂര്‍ ചിങ്ങവനം കൃഷ്ണഭവനം വീട്ടില്‍ മോഹനനെയാണ് റോഡരികില്‍ കണ്ടത്. ഇയാളുടെ തലയ്ക്ക് പരിക്കേറ്റിട്ടുണ്ട്.
വെള്ളിയാഴ്ച രാത്രി 11-ഓടെയാണ് സംഭവം. വാടക്കല്‍ ആഞ്ഞിലിപ്പറമ്പ് സിബിപോളിന്‍റെ വീടിനു സമീപത്താണ് വയോധികനെ ഉപേക്ഷിച്ച നിലയില്‍ കണ്ടത്. കാറില്‍ ആരോ കൊണ്ടുവന്നതാണെന്നാണ് വയോധികന് പറഞ്ഞത്.
തുടര്‍ന്ന്, വാര്‍ഡ് കൗണ്‍സിലര്‍ മേരി ലീന വിവരമറിയിച്ചതിനുസരിച്ച് ആലപ്പുഴ സൗത്ത് പൊലീസ് വയോധികനെ പുന്നപ്ര ശാന്തിഭവനില്‍ എത്തിച്ചു. ബ്രദര്‍ മാത്യു ആല്‍ബിന്‍ വേണ്ട പരിചരണം നല്‍കി വയോധികന് അഭയം നല്‍കി.
അതേസമയം, ഭാര്യയും മക്കളും ഉണ്ടെന്നും ബന്ധുവാണ് തന്നെ ഇവിടെ എത്തിച്ചതുമെന്നാണ് മോഹനന്‍ പറയുന്നത്. ഇയാളെക്കുറിച്ചുള്ള വിവരം അറിയുന്നവര്‍ 0477 2287322 എന്ന നമ്പരിൽ അറിയിക്കണമെന്ന് അധികൃതർ അറിയിച്ചു.
Post Your Comments